Galwaybucht

Vun Wikipedia
Zur Navigation springen Zur Suche springen
De Laag vun de Galwaybucht in de Republiek Irland
De Galway Bay mit de Aran-Eilannen un ümliggen Städer

De Galwaybucht oder Galway Bay (irisch: Cuan na Gaillimhe) is en grote Bucht vun’n Atlantik an der Westküst vun de Republiek Irland. Nöömt is se na de Stadt Galway, de in’n Noordoosten vun de Bucht liggt. De Küst in’n Noorden höört to’n County Galway, de Küst in’n Süüden to’n County Clare. Meten deit se de Läng na 48 Kilometer un is dorbi twüschen ölven un tweeundörtig Kilometer breed. In de Bucht leegt de Aran-Eilannen un noch en poor wietere lütte Eilannen. In de Galway Bay münnt de Stroom Corrib. Wiel dat 18. un 19. Johrhunnert weer de Bucht veel vun de Galway Hookers, en Tyyp vun Seilscheep, befohren.

Sünners in engelschspraakigen Ruum is de Galwaybucht dör verschedene Leder bekannt. So hebbt to’n Bispeel John Lennon (The Luck Of The Irish) un Sean Connery (Darby O’Gill and the Little People) över de Bucht sungen. To de bekanntesten Leder tellt ok Fairytale of New York vun de irischen Grupp The Pogues tosamen mit de Folksingersche Kirsty MacColl, woneem dat in’n Refrain heet: „…The boys of the NYPD choir were singing ‚Galway Bay‘…“ Dormit speelt de Text op twee olle irische Volksleder un den hogen Andeel vun irische Polizeibeamten in de Stadt New York an. In de USA un in Grootbritannien warrt Fairytale of New York regelmatig to een vun de leevsten Wiehnachtsleder wählt. Ofschoonst de wenigsten Iren noch de oorsprünglichen Volksleder kennen doot, leevt se in disse Leder wieter.

Weertschop[ännern | Bornkood ännern]

In de Bucht warrt de beropenen Galway Oysters (Ööstern) un ok Lachsen tücht.

Literatur[ännern | Bornkood ännern]

  • O’Raghallaigh, Cian: Mineral localities in the Galway Bay Area. Dublin, 1997.
  • McCormack, Edward: The harpacticoid copepoda from maerl substrates in Galway Bay, Ireland. Galway 2003.
  • Wilkins, Noël P.: Squires, spalpeens and spats: Oysters and oystering in Galway Bay. Galway 2001.
  • Wen Lei: Three-dimensional hydrodynamic modelling in Galway Bay. Galway 1995.