Günter Peters

Vun Wikipedia
Zur Navigation springen Zur Suche springen
Günter Peters 2014

Günter Peters (* 1. Januar 1944 in Wies) is en düütsch Politiker (SPD).

Peters hett eerst de Volksschool in Wies un ansluutend de Realschool in Wiesmoor besöcht. Dornah hett he en Lehr as Maschinenslosser maakt un 1965 sien Wehrdeenst afleist. Nah den Wehrdeenst wurr he Suldat vun Berop un fung en Offiziersutbillen an. Peters hett in Floogsekerungsdeenst arbeit un weer Hauptmann.

1972 is he de SPD bitreden un weer van 1973 bit 1983 un weer af 1996 eerst Vörsitter vun den SPD-Oortsvereen Freebörg. Peters is Raatsherr vun de Gemeend Freebörg, wo he stellvertreden Fraktschoonsvörsitter weer. Buterdem is he Liddmaat vun den Kreisdag vun den Landkreis Wittmund. In de darteihnst Wahlperiood wurr he dör en Direktmandat in' Wahlkreis 96 Wittmund in den Landdag vun Neddersassen wählt, den he van 1994 bit 1998 anhörrn dee.

Privates[ännern | Bornkood ännern]

Peters is in sien Freetiet en ambitioneert Maler un hett intüschen ok all utstellt. He is verheiraadt un hett twee Kinner.

Ehrungen[ännern | Bornkood ännern]

2014 kreeg Peters dat Verdeenstkrüuz an' Bande vun den Verdeenstorden vun de Bundsrepubliek Düütschland.[1]

Literatur[ännern | Bornkood ännern]

  • Landtag Niedersachsen Handbuch 13. Wahlperiode.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Anzeiger für Harlingerland vom 5. Juli 2014