Gérard Mourou

Vun Wikipedia
Gérard Mourou (2015)

Gérard Albert Mourou (* 22. Juni 1944 in Albertville[1]) is en franzöösch Physiker, de sück mit Laserphysik un nichtlinearer Optik befaat. 2018 kreeg Mourou den Nobelpries för Physik, gemeensam mit Arthur Ashkin un Donna Theo Strickland för „bahnbrechende Erfindungen im Bereich der Laserphysik“.

Biografie[ännern | Bornkood ännern]

Mourou hett Physik an de Universität Grenoble studeert[2] un dat Studium mit en Vördiplom afslooten[3]. 1970 is he an de Universität Pierre und Marie Curie wesselt, wo he 1973 sien Doktertitel kreeg. As Post-Doktorand weer he an de San Diego State University in Kalifornien. In de Johren 1979 bit 1988 hett he an dat Labor för Laser-Energetik van de New Yorker University of Rochester arbeit un weer dor sowohl Gruppenleiter van de Pikosekunden-Physik as ok Perfesser. Af 1988 weer he Perfesser an de University of Michigan, wo he 1990 Grünnensdirekter van dat Center for Ultrafast Optical Science weer. 1995 wurr he dor to’n A. D. Moore Distinguished University Professor Emeritus nömmt. He is Direkter van dat Labor för Anwennd Optik (Laboratoire d’Optique Appliquée, LOA) van de École polytechnique, de ParisTech un dat Centre national de la recherche scientifique (CNRS) in Palaiseau un Direkter van dat International Center for Zetta-Exawatt Science and Technology (IZEST) an der École Polytechnique.

He befaat sück mit ultrakört Laserpulsen un is tosommen mit Donna Theo Strickland (sien Doktorandin) een van de Utfinner van de CPA (Chirped Pulse Amplification) to dat Ertüügen van ganz kört Laserpulse van hooch Intensität, de bit in den Petawatt-Beriek recken.[4][5]

Mit Toshiki Tajima un Sergei Wladimirowitsch Bulanow verfolgt he Ideen to de ultrarelativistische Optik un Deelkenbeschleunigung mit Laserplasmen. He befaat sück ok mit Lasern för de Oogenchirurgie.

1994 weer he Gastperfesser an de Universitäten Tokio un Grenoble.

Utteknungen un Liddmaatschapen[ännern | Bornkood ännern]

He is Fellow van de Optical Society of America (OSA) un de IEEE un Liddmaat van de National Academy of Engineering. Todem is he Ehrendokter van de Universität Laval, an de he wiels dat Affaaten van sien Dissertatschoon tietwies arbeit hett, un de rumäänsch polytechnische Universität in Bukarest (2014).

Schriften (Utwahl)[ännern | Bornkood ännern]

  • mit H. E. Elsayed-Ali, T. B. Norris, M. A. Pessot: Time-resolved observation of electron-phonon relaxation in copper, Phys. Rev. Lett., Band 58, 1987, S. 1212
  • mit P. Maine, Donna Strickland, P. Bado, M. Pessot: Generation of ultrahigh peak power pulses by chirped pulse amplification, IEEE Journal of Quantum Electronics, Band 24, 1988, S. 398–403
  • mit D. Du, X. Liu, G. Korn, J. Squier: Laser-induced breakdown by impact ionization in SiO2 with pulse widths from 7 ns to 150 fs, Applied Physics Letters, band 64, 1994, S. 3071–3073
  • mit M. D. Perry: Terawatt to petawatt subpicosecond lasers, Science, Band 264, 1994, S. 917–924
  • mit A. Braun, G. Korn, X. Liu, D. Du, J. Squier: Self-channeling of high-peak-power femtosecond laser pulses in air, Optics Letters, Band 20, 1995, S. 73–75
  • mit D. Umstadter, S. y. Chen, A. Maksimchuk, R. Wagner: Nonlinear optics in relativistic plasmas and laser wake field acceleration of electrons, Science, Band 273, 1996, S. 472–475
  • mit X. Liu, D. Du: Laser ablation and micromachining with ultrashort laser pulses, IEEE Journal of Quantum Electronics, Band 33, 1997, S. 1706–1716
  • mit C. P. Barty, Michael Perry: Ultrahigh-intensity laser: physics of the extreme on a tabletop, Lawrence Livermore Lab 1997
  • mit M. Lenzner, J. Krüger, S. Santania, Z. Cheng, C. Spielmann, Wolfgang Kautek, Ferenc Krausz: Femtosecond optical breakdown in dielectrics, Phys. Rev. Lett., Band 80, 1998, S. 4076
  • mit A. C. Tien, S. Backus, Henry Kapteyn, Margaret Murnane: Short-pulse laser damage in transparent materials as a function of pulse duration, Phys. Rev. Lett., Band 82, 1999, S. 3883
  • mit Tibor Juhasz, Frieder H. Loesel, Ron M. Kurtz, Christopher Horvath, Josef F. Bille,: Corneal refractive surgery with femtosecond lasers, IEEE Journal of Selected Topics in Quantum Electronics, Band 5, 1999, S. 902–910
  • mit T. Esirkepov, M. Borghesi, S. V. Bulanov, T. Tajima: Highly efficient relativistic-ion generation in the laser-piston regime, Phys. Rev. Lett., Band 92, 2004, S. 175003
  • mit T. Tajima, S. V. Bulanov: Optics in the relativistic regime, Reviews of Modern Physics, Band 78, 2006, S. 309
  • mit V. Yanovsky u. a.: Ultra-high intensity-300-TW laser at 0.1 Hz repetition rate, Optics Express, Band 16, 2008, S. 2109–2114

Weblinks[ännern | Bornkood ännern]

Gérard Mourou. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Pressemitdeelen
  2. Karrieredaten nah American Men and Women of Science, Thomson Gale 2004
  3. In den engelschen Bidrag bi American Men and Women of Science as Bachelor Afsluss upführt
  4. Mourou, Strickland Compression of amplified chirped optical pulses, Optics Communications 56, 1985, 219
  5. Michael Perry, G. Mourou Terawatt to Petawatt Subpicosecond Lasers, Science, Band 264, 1994, S. 917