Fritz Platenau

Fritz Platenau (* 13. März 1896 in Hannover; † na 1981 in Hannover) was eun plattduitsken Schüiver un Heumatforsker

Lieben

Fritz Platenau word den 13. März 1896 in Hannover born, heu is öwwer in Üistrup upwossen, wo den Vadder süin Biuernhoff was. Platenau in’r Blommajje teo’r Scheole gangen un dorno teo’r Biuerüjjescheole in Hameln, bevör heu 1916 Soldote werrn mosste. Iut’n Öörsten Weltkrüig is heu swoor verwunnet no Hius kommen un het doch no den Krüig den Hoff övernommen. Korte Tüid läter is de Hoffe öwwer verpachtet worrn un Platenau word landwertschaftliker Gutachter. Lange Johre is heu auk in´n Vörstand van´n Blomberger Goornbiuvereun wesen.

Platenau het vell för’t lippske Platt deon. Van änne is’t plattduitske Wöörbeok van Üistruper Mundoort, in den heu nich nau plattduitske Weorter sammelt het. Heu het velle rore Begreppe verklört, de heu van de Generatscheon süiner Grautöllern un Öllern nau hort het un de vandage kium nau euner kennen wörte, wänn Platenau seu nich upschrüiven un verklört het. Iuterden hät Platenau vellet iut de lippksen Heumatkunne un van´n lippsken Briuk un Herkomm sammelt un upschrüiven. Euniget dovan bröch de Lippske Heumatbund in de Rüjje lippsker Heumatbeoker riut, anneret in´n Blommajjer Anteuger un mänjet is nau nich veröppentlikt un liggt os Manuskript in’r lippsken Landsboikerrüjje.

Vör süine Verdenste ümme de plattduitske Sproke und dat lippske Kulturerve het Fritz Platenau de Gollene Ehrennadel van´n Lippsken Heumatbund, de Goldenen Käuernähre van´n Lippsken Plattdiutsken Vereun un 1976 dat Bundesverdenstkrüiz kriegen.

Werke

Plattduitsk

• Döhnkens iutn Lippsken Deppelt:Topp & Möller, 1966. (Lippische Heimatbücher : Plattdeutsche Reihe ; Bd. 3)
• Et renket sick olles in : Ein Vierakter in lipp. Platt. - Üistrup : Selbstverlag, 1967
• Plattdeutsches Wörterbuch in Istruper Mundart / im Auftrage des Lippischen Heimatbundes gesammelt und bearbeitet von Fritz Platenau. - Deppelt

Heumatforksen

(Iutwahl)

• Alte Sprichwörter, Redensarten und Wetterregeln aus dem Lipperland. [Istrup 1967]. 48 Bl. (Lipp. LB Detmold, Komm. für Mundart- und Namenforschung des LWL Münster); erw. Fassung Blomberg-Üistrup 1974
• Soll das vergessen sein? Begebenheiten und älteres Brauchtum in Istrup und dem Blomberger Becken. Üistrup 1967

Kiek ook bi

• List vun plattdüütschen Schrievers

Weblenken

• Fritz Platenau in de Datenbank Die niederdeutsche Literatur (hoogdüütsch)
• Indrag to den Schriever in dat Westfäälsche Autorenlexikon (hoochdüütsch)