Friedrich Pinter

Vun Wikipedia
Zur Navigation springen Zur Suche springen

Friedrich „Fritz“ Pinter (* 22. Februar 1978 in Villach, Kärnten) is en ehmalger öösterrieksch Biathlet.

De Tietsuldat van dat öösterrieksch Bundsheer is för den Union Rosenbach Langlaufclub antreeden un is de Bröer van de Skilanglöper Jürgen Pinter. Mit 13 Johren fung he mit den Langloopsport un hett de Skihannelsschool in Schladming in de Steiermark besöcht. 1993 wurr he in den Kader van den Öösterriekschen Skiverband upnommen. In de Saison 2000/01 steeg he van den Speziallangloop up den Biathlonsport um.

Sien gröttsten Erfolg fier Pinter bi de Biathlon-Weltmeesterschapen 2005 in Hochfilzen. Dor wunn he gemeensam mit Daniel Mesotitsch, Wolfgang Rottmann un Christoph Sumann de Bronzemedaille in’n Staffelwettbewarf un bleev dorbi as eenzig Öösterrieker ahn Scheetfehler. In’n Sprint keem he bi disse Veranstaltung up Platz 32, kunn sück in de Verfolgung aber noch up Platz 28 stiegern.

Bi de Olympisch Winterspelen 2006 in Turin belegg he över de 20 km Platz 26, in’n Staffelwettbewarf keem he mit sien Staffelkollegen blots up Platz 17. Bi de [[Olympisch Winterspelen 2014{Biathlon|Olympisch Winterspelen 2014]] keem he för Öösteriek in de Mixed-Staffel to’n Insatz, reck dor aber mit de Mannschap blots Platz 9.

Sien best Weltcupplatzeeren reck Pinter in de Saison 2007/08 mit den tweeten Platz in de Verfolgung in Oslo (achter Michael Rösch, aber vör Nikolai Kruglow un darten Plätzen bi den Sprints in Oslo un Pyeongchang. An dat Enn‘ van de Saison reck he in den Gesamtweltcup Platz 16.

2016 hett he sien Loopbahn afslooten

Weblinks[ännern | Bornkood ännern]