Friedrich Findörp
Johann Friedrich Caspar Findörp (* 1763 in Loonborg; † 10. Mai 1830 in Leendaal) weer en düütschen Waterbobeamten un Moorkommissar.
Findörp is 1763 as Söhn von Anne Cathrin Eisen (1. März 1737–18. März 1789), un Franz Hinrich Findörp (20. Februar 1727–22. Mai 1802) boren.[1] De eerste Moorkommissar Jürgen Christian Findörp weer sien Unkel.[1] He hett an de Universität Göttingen studeert un is 1783 Moorkunduktör worrn.[1] 1795 hett he en Utbillung bi Johann Hieronymus Schröter in Leendaal anfungen.[1] In dat Johr 1795 hett he ok en General-Charte von de Moorrebeden rutbrocht. 1802 is he dor Moorkommissar worrn un weer tostännig för dat Kultiveren von dat Düvelsmoor.[1] He is bet 1821 Moorkommissar bleven.[1]
He hett Charlotte Wilhelmine Alberts (üm 1782–14. Oktober 1803) freet.[1][2] De beiden harrn de Kinner Sophie Elisabeth (1801–1818) un Franz August Hinrich (1802–1803).[2] An’n 17. September 1805 hett he in twete Eh Dorothea Kalkmann (31. Mai 1775–3. Dezember 1835) freet.[1] De beiden harrn de Kinner Dethard Friedrich (* 1806) un August Heinrich (1811–1827).[2] 1814 harrn se en dood boren Kind.[2]
Warken
[ännern | Bornkood ännern]- General-Charte der in den Herzoglich-Bremen und Verdenschen Aemtern und Gerichten Ottersberg, Osterholtz, Lilienthal, Bremervörde, Rotenburg und Achim belegenen Mööre, und der seit 1750 darin belegenen Colonien sammt den zur Verbindung der Hamme, Oste und Schwinge Flüße vorgerichteten Schiffcanälen und den Ausflüßen in die Weser und Elbe. 1795
