Friedestrom-Pries

De Friedestrom-Pries is en Literaturpries för Verdeensten üm düütsche Dialekten (in’n wieden Sinn), de all twee Johr vun dat Mundoordarchiv Ludwig Soumagne vergeven warrt. He is mit en Priesgeld vun 3.600 Euro verbunnen un hett sien Naam na de Borg Friedestrom un dat Kulturzentrum Friedestrom in Zons in’n Rhien-Kreis Neuss, in dat de Pries utgeven warrt.

Na Walter A. Kreye 1988 hett 2010 mit Ina Müller to’n tweten Maal en Plattdüütsche(n) den Pries wunnen.