Frederick Reines

Vun Wikipedia
Zur Navigation springen Zur Suche springen
Frederick Reines

Frederick Reines (* 16. März 1918 in Paterson, New Jersey; † 26. August 1998 in Orange, Kalifornien) weer en US-amerikaansch Physiker. För den experimentellen Nahwies vun dat Neutrino kreeg he 1995 den Nobelpries för Physik (tosommen mit Martin Lewis Perl, den Opdecker vun dat Tauon).

Leven un Wirken[ännern | Bornkood ännern]

Reines is as Söhn vun jöödsch Inwannerer ut Russland upwussen, sien Vader, Israel Reines, harr en lütten Laden up dat Land in den Staat New York. He hett bit 1935 de High School in Union City, New Jersey besöcht. Reines studeer Ingenieurwetenschapen (Bachelor 1939) un denn Physik an dat Stevens Institute of Technology (Master-Afsluss 1941) un hett 1944 sien Doktertitel an de New York University bi R. D. Present (The Liquid Drop Model for Nuclear Fission) maakt. In’n Tweeten Weltkrieg hett he (noch bevör he sien Promotschoon afslooten harr) in dat Manhattan-Projekt ünner Richard Feynman in Los Alamos arbeit. Ok nah den Krieg weer he in de Karnwappenforschung tätig, ünner annern hett he de Effekte vun de Explosions-Stöötwell mit John von Neumann ünnersöcht.

Anfang vun de 1950er Johren hett he Clyde Lorrain Cowan verscheeden Methoden entwickelt, um Neutrinos experimentell nahtowiesen. De eerste direkte Beobachtung vun Neutrinos, dat Cowan-Reines-Neutrinoexperiment, gelung hör Arbeitsgrupp 1956 an den nee baut Savannah-River-Karnreaktor.

1959 wurr he Perfesser an de Case Western Reserve University un Baas vun de dortige Physik-Fakultät. Dor hett he en Grupp leit, de eerstmals vun de kosmisch Strahlung ertüügt Neutrinos nahwiesen dee. 1966 is he as Dekan vun de Naturwetenschapliche Fakultät (Dean of Natural Sciences) an de nee grünnd University of California, Irvine (UCI) wesselt. Dor hett he sück ok mit Strahlungsdetektoren för de Medizin befaat. Sien Neutrino-Arbeitsgrupp in Irvine hett an dat IMB (Irvine-Michigan-Brookhaven)-Protonenzerfalls-Experiment deelnommen, wies toeerst den düppelten Betazerfall direkt in’t Labor nah un hett hör Neutrino-Detektoren ok fröh nöög up de Söök vun Neutrinos ut Supernova-Explosionen utwiet (ok up Initiative vun Reines). Bi de Supernova 1987A kunnen tatsächlich sückse Neutrinos mit dat IMB, bi dat he Ko-Spreker weer, un dan Japaanschen Kamiokande-Detektor nahwiest wurrn. Dorför kreeg Reines 1989 den Bruno-Rossi-Pries. 1988 wurr he Perfesser Emeritus an de UCI.

Ehrungen[ännern | Bornkood ännern]

1958/59 weer he Guggenheim Fellow un 1959 bit 1963 Sloan Research Fellow. 1966 wurr he in de American Academy of Arts and Sciences wählt. 1981 kreeg he den Oppenheimer-Pries un 1992 den Panofsky-Pries. 1985 kreeg he todem de National Medal of Science. Reines weer Liddmaat vun de National Academy of Sciences (1980) un utwärtig Liddmaat vun de Russische Akademie vun de Wetenschapen (1994). 1990 kreeg he den Michelson-Morley Award un 1992 de Franklin Medal.

He weer siet 1940 mit Sylvia Samuels verheiraadt. Se harrn twee Kinner, en Söhn un en Dochter.

Weblinks[ännern | Bornkood ännern]

Commons-logo.svg Frederick Reines. Mehr Biller, Videos oder Audiodateien to’t Thema gifft dat bi Wikimedia Commons.