Frederic Mackenzie Maxwell

Vun Wikipedia
Zur Navigation springen Zur Suche springen

Frederic Mackenzie Maxwell (* 11. Januar 1860 in Nassau, Bahamas; † 9. Mai 1931) weer en brietschen Jurist.

Maxwell is 1860 as Söhn von Octavia, borene Malcolm († 1896), un den Geistlichen Joseph Maxwell († 1866) boren, de to de Tied Preester an de Kark St. Matthews Church in Nassau (Bahamas) weer.[1] He güng op de Nassau Grammar School un hett 1882 anfungen an dat Balliol College (Deel von de Universität Oxford) Juristeree to studeren.[1] 1885 hett he sien Bachelor maakt un 1891 sien Master.[1] 1884 is he as Avkaat tolaten worrn un weer Maat von Lincoln’s Inn.[1]

Maxwell is 1895 in Brietsch-Honduras Kroonavkaat (King’s Counsel) worrn.[1] Von 1896 bet 1907 weer he Generaalstaatsanwalt von Brietsch-Honduras.[1] Von 1896 bet 1906 weer he gliektiedig ok Kanzler von dat anglikaansche Bisdom Brietsch-Honduras un von 1906 bet 1908 Kummandör von de British Honduras Volunteers.[1] 1907 bet 1912 hett he dat Amt as Chief Justice von Brietsch-Honduras övernahmen un 1912 bet 1919 as Chief Justice von de Leeward Islands.[2][1]

1882 hett Maxwell Adela Theodora Mary Drought freet.[1] Jemehr Söhn, de ok Frederic Mackenzie Maxwell heten hett, is an’n 11. November 1885 boren. Maxwell is 1931 in en Pleegheim in Nizza doodbleven.[2]

Ehren[ännern | Bornkood ännern]

1911 hett König Georg V. em to’n Ridder slahn.[2]

Footnoten[ännern | Bornkood ännern]

  1. a b c d e f g h i Edward Walford: Walford’s County Families of the United Kingdom. London 1919, Sied 917
  2. a b c The Law Journal. Band 71 (16. Mai 1931), E.B. Ince, 1931, Sied 352