Franz Grabe

Franz Julius Grabe (* 12. März 1843 in Olenbrook; † 30. März 1923 in de Worth) weer en plattdüütschen Schriever.

Grabe is 1843 as Söhn von en Schoolmeester in dat Webersche Huus an’n Markt in Olenbrook boren un hett von 1860 af an in Deppelt en Lehr as Koopmann maakt. Later hett he as Koopmann in de Worth leevt un dor 1882 ok de Postagentur övernahmen. Den Laden hett he 1902 opgeven un von de Tied an as Schriever arbeidt. Texten von em sünd ok in de Plattdütsche Post in New York rutkamen. Grabe is 1923 doodbleven un op’n Karkhoff von de Worth begraven worrn. Sien Graff is nich mehr dor, aver de Heimatvereen Worth hett dor 1992 en Gedenksteen opstellt.

1913 hett he dat Prüüßsche Verdeenstkrüüz in Sülver kregen. In de Worth heet vondaag de Franz-Grabe-Straat na em.

Warken

• Dit un dat in Hadler Platt. Großgebauer, Celle 1877
• Van de Elwkant ut Hadelnland. Großgebauer, Celle 1880
• Hanne oder De Köster as Freewarber. Richter, Hamborg 1880
• Fritz Reuter. Schulze, Celle 1885
• Ut ole un nee Tiden. Otterndorf 1886
• Ut’n Volksleben. Großgebauer, Celle 1889
• Ut Marsch un Moor. Großgebauer, Celle 1894
• Hein un Lotte oder: De Leew in de Kök. G. Danner, Mühlhausen i. Thüringen 1898
• Jochen Päsel un Trine Däsel. G. Danner, Mühlhausen i. Thüringen 1898
• De Wedd oder: Studentenknep. G. Danner, Mühlhausen i. Thüringen 1898
• Du driggst de Pann weg! oder De eifersüchtige Schoster. G. Danner, Mühlhausen i. Thüringen 1898
• Grütt, Bütt un Lütt, Dree von de Sprütt. G. Danner, Mühlhausen i. Thüringen 1898
• De Spanger Scheeper oder Nord und Süd. J. Bagel, Mülheim a. d. Ruhr 1901
• Op Afwegen oder Gründlich kureert. G. Danner, Mühlhausen i. Thüringen 1901
• Spitzbüwken oder En ländliche Entföhrung. G. Danner, Mühlhausen i. Thüringen 1901
• Wokeen wascht dat Geschirr? oder: An’n Hochtiedsdag. Danner, Mühlhausen i. Thüringen 1903

Kiek ook bi

• List vun plattdüütschen Schrievers

Weblenken

• Franz Grabe in de Datenbank Die niederdeutsche Literatur (hoogdüütsch)