Franco Tancredi

Vun Wikipedia
Zur Navigation springen Zur Suche springen

Franco Tancredi (* 10. Januar 1955 in Giulianova, Provinz Teramo, Italien) is en Doorhödertrainer un ehmalger italieensch Doorhöder in‘ Football.

Leven[ännern | Bornkood ännern]

Tancredi fung sien Loopbahnbi sien Heimatclub Giulianova Calcio an un is 1974 to‘n AC Mailand wesselt, keem aber in de Serie A för Milan nie nich to’n Insatz. Nah en Saison bi Rimini Calcio is he 1977 to’n AS Rom wesselt, wo he bit 1990 282-mal in de Serie A as Doorhöder uploopen is. In de Saison 1982/83 wunn Tancredi mit de Roma den Scudetto, de italieensch Meesterschap. Buterdem wunn he mit den AS Rom veer Mal de Coppa Italia. Nah de Saison 1990/91, wo he noch sössmal för den AC Turin to’n Insatz keem, hett he sien aktive Loopbahn afslooten.

För deitalieensch Footballnatschonalmannschap keem he tüschen 1984 un 1986 to twalf Insätzen. He weer Ersatzdoorhöder achter Giovanni Galli bi de Football-Weltmeesterschap 1986 in Mexiko, bleev aber ahn Insatz bi sien eenzig WM. Vör un wiels de WM hett he sück en erbitterten Machtkamp um de Positschoon vun den eersten Doorhöder mit Giovanni Galli leefert. Disse Machtkamp hett nah Meenen vun den ehmalgen, dormals darten italieenschen Natschonaldoorhöder Walter Zenga nich unwesentlich to dat Swaakmaaken vun de Squadra Azzurra un to deren Utscheeden vör de Tiet bidragen.

Franco Tancredi hett buterdem as Stammdoorhöder vun de italieensch Olympiamannschap an de Olympisch Spelen 1984 in Los Angeles deelnommen. 1987 verlor he bi en Ligaspeel gegen den AC Mailand in‘ San Siro dör en Füerwarksangreep vun en Mailänder Fan dat Bewusstween. Vun de Dokters wurr en Ahmstillstand faststellt, Tancredi kunn aber noch in dat Stadion reanimeert wurrn un hett överleevt.

Nah sien aktiv Karriere wurr he 1992 Doorhödertrainer bi den AS Rom. 2004 is he den dormaligen Roma-Trainer Fabio Capello to Juventus Turin folgt. Sietdem arbeit he ahn Ünnerbreeken mit Fabio Capello tosommen. So ok 2006/07 bi Real Madrid un af 2007 mit de engelsch Footballnatschonalmannschap. As Doorhödertrainer nehm he för England an de Football-Weltmeesterschap 2010 deel.

Weblenken[ännern | Bornkood ännern]