Francesco Morini

Francesco Morini (* 12. August 1944 in San Giuliano Terme (PI); † 31. August 2021) weer en italieensch Footballspeler.

Wiels sien aktiv Loopbahn weer he Afwehrspeler. Later hett he as TV-Experte bi den Privatsenner Telelombardia arbeit.

Karriere

In’n Vereen

Francesco Morini geev sien Serie-A-Debüt an‘n 2. Februar 1964 för Sampdoria Genua. In’n Sömmer 1969 is he to Juventus Turin wesselt, wo he bit 1979 bleev. Mit Juve wunn he fiev italieensch Meesterschapen as ok de Coppa Italia un den UEFA-Pokal in de Saison 1976/77. Insgesamt hett he 397 Spelen in de Serie A bestreeden, hett aber nie en Door schaaten. 1980 leet Morini sien Karriere bi Toronto Blizzard in de North American Soccer League utklingen.

In de Natschonalmannschap

Francesco Morini speel dat eerste Mal in de italieensch Natschonalmannschap an’n 25. Februar 1973 bi dat 1:0 gegen de Mannschap vun Törkie. He hett mit de Squadra Azzurra an de Weltmeisterschap 1974 in Düütschland deelnommen un dorbi all dree Spelen mitmaakt. Sien letzt vun insgesamt elf Lännerspelen hettt Morini an‘n 8. Juni 1975 bi dat 0:1 gegen de UdSSR bestreeden.

Erfolge

Italieensch Meesterschap: 1971/72, 1972/73, 1974/75, 1976/77, 1977/78
Coppa Italia: 1978/79
UEFA-Pokal: 1976/77

Weblinks

Francesco Morini. Mehr Biller, Videos oder Audiodateien to’t Thema gifft dat bi Wikimedia Commons.

Francesco Morini in de Datenbank vun Weltfußball]