Liberalerna
_logo.svg){kind=logo}
Liberalerna (De Liberale Volkspartei) is en vun de politischen Partein, de in’n sweedschen Rieksdag vertreden is. Se is en sozialliberale Partei. Vörsitter is siet 2007 Jan Björklund. Bi de Wahlen to’n Sweedschen Rieksdag 2006 hett Folkspartiet 7,54% vun de Stimmen un dormit 28 vun 349 Sitten kregen. As liberale Partei is se op europaaäsche Even Liddmaat vun de ELDR.
Historie
[ännern | Bornkood ännern]Folkpartiet liberalerna is 1934 grünnt worrn, man se hett ehr Wörteln in öllere liberale Strömen, de 1902 al to’t Grünnen vun de Partei Frisinnade Landsföreningen föhrt hebbt. Dat wichtigste politishe Teel to de Tiet weer de Demokratiseeren vun’t politische System in Sweden in’n Sinn vun’t Opklären un vun’n Liberalismus. De liberalen Regeeren ünner Karl Staaff weern dat, de en parlamentaarsche Reform un en Reform vun’t Wahlrecht in’t Oog faat harrn, un en sozialdemokraatsch-liberale Koalitschoon ünner Nils Edén, de disse Telen ümsett hebbt.
As disse Reformen 1920 dörföhrt weern, geev dat in de Partei ünnerscheedliche Ansichten to de Alkoholpolitik, de to’n Tweibreken vun de Partei föhrt hebbt. In de Johren dorna geev dat twee liberale Parteien blangenenanner, de üm de Stimmen kämpen deen. Eerst 1934 keem dat mit de Neebilln vun de liberalen Partei to en Weddervereenigen vun dat liberale Lager.
De ne’e Partei hett en sozialliberal Programm utklamüstert, wat tosätzlich to de klassischen liberalen Positschonen de Foddern na soziale Verantwoorten vun’n Staat för de Swacken in de Sellschop bargen de. In de 1950er Johren weer de Hoochtiet vun de liberalen Volkspartei. De sozialliberale Politik weer düütlich formuleert un gliektietig ok klor afgrenzt vun’n Sozialismus un vun de Plaanweertschop vun de sozialdemokraatschen Regeeren.
In de 1960er un 70er Johren hett dat in de Partei en Generatschonenwessel geven, bi den sik de Partei apen maakt hett gegenöver den politischen Hööftgegner, neemlich de Sozialdemokraten. Dat hett in de Legislaturperiood vun 10703 bit 1976 to en Tosamenarbeit föhrt. Man, as de börgerlichen Parteien 1976 denn de Mehrheit kregen hebbt, is Folkpartiet liberalerna in de börgerliche Regeerenskoalitschoon inpeddt. Na’t Tosamenbreken vun disse Regeeren 1978 hett de Volkspartei en Minnerheitsregeeren maakt ünner dat Regeer vun Ola Ullsten, de een Johr later vun en wietere börgerliche Koalitschoon aflöst worrn is.
En wieteren Wessel an de Spitz vun de Partei geev dat 1983 na en gresig slecht Wahlresultat. De Partei hett sik mehr un mehr in’t börgerliche Lager positschoneert un hett ok an de börgerlichen Koalitschoonsregeeren 1991 bit 1994 Andeel hatt. De Wahlen in de 1990er Johren hebbt de Partei aver gefährlich dicht an de Veerprozent-Hinnern bröcht. Mit en överraschen goot Resultat bi de Wahl 2002 hett sik de Liberale Volkspartei wedder fungen, man blots üm bi de nächste Wahl 2006 meist de Hälfte vun jemehr Wählers wedder to verleren.
Wahlresultaten
[ännern | Bornkood ännern]_election_results.png)
Parteivörsitters
[ännern | Bornkood ännern]- 1934–1935 Felix Hamrin, Ministerpräsident 1932
- 1935–1944 Gustaf Andersson
- 1944–1967 Bertil Ohlin
- 1967–1969 Sven Wedén
- 1969–1975 Gunnar Helén
- 1975–1978 Per Ahlmark
- 1978–1983 Ola Ullsten, Ministerpräsident 1978-1979
- 1983–1995 Bengt Westerberg
- 1995–1997 Maria Leissner
- 1997–2007 Lars Leijonborg
- 2007- Jan Björklund