Folkmar Allena

Vun Wikipedia

Folkmar Allena (* weet man nich; † 1406) weer in dat utgahn 14. Johrhunnert en van de inflootrieksten Oostfreesch Hööftlingen. Sien Hööftborg leeg in Osterhusen.

As Hööftling van Osterhusen stunn Folkmar Allena mit sien Nahber Ocko I. tom Brok, Hööftling van dat Brokmerland un Auerkerland in Konflikt. Nah scheefgahn Wappenstillstandsverhanneln an’n 7. August 1389 leet Folkmar hüm up den Rückweg kört vör Ocko sien Stammborg in Auerk 1391 van Hülpslüüd ümbringen.

Nu harr he mehr Machtinfloot, aber den hett he in de Folgejohren weer an Ocko sien Wittfru Foelke Kampana, de hör Söhn Keno II. tom Brok an de Macht bringen wull, verloren. Ocko sien Söhn ut en eerste Ehe, Widzelt, hett sück mit Folkmar Allena in den Kamp um de Nahfolge gegen Foelke tosommen dahn, keem aber later in Detern to Dood. Keno wurr 1399 nee Hööftling in dat Brokmerland.

As Keno in Marjenhaaf hett ok Folkmar in Osterhusen den Vitalienbrödern Ünnerschlupp geven, as de gegen Enn‘ van dat 14. Johrhunnert ut de Oostsee verdreeven wurrn un in de Noordsee hör Wark fortsetten deen.

Borns[ännern | Bornkood ännern]

  • Heinrich Schmidt: Das östliche Friesland um 1400. Territorialpolitische Strukturen und Bewegungen. In: Wilfried Ehbrecht: Störtebeker. 600 Jahre nach seinem Tod. Porta-Alba-Verlag, Trier 2005, ISBN 3-933701-14-7, S. 85–110.