Folkert Krey

Vun Wikipedia
Zur Navigation springen Zur Suche springen

Folkert Krey (* 16. Januar 1692 in Buttfoor; † 21. Oktober 1775 ok dor) weer en Dörpschoolmeester, Organist un Verfaater vun en bekannt Reekenbook för oostfreesch Volksscholen.

Leven[ännern | Bornkood ännern]

Folkert Krey entstamm vun sien Moders Siet en old inseeten Familie ut Buttfoor. Sien Vader weer de in Eggelingen boren Hermann Krey (1656 - 1727), sien Moder Alget Folkerts (1664 - 1724). He weer dat öldste Kind vun fiev Kinner.[1]

In eerst Ehe weer Folkert Krey mit de ok ut Buttfoor stammen Anna Elisabeth Helmrichs verheiraadt. Mit hör harr he twee Döchter un veer Söhns. Twee Johr nah de Dood vun sien Fru hett he an’ 23. April 1754 de in Reepsholt boren Anna Catharina Leiner (1704 - 1782) heiraadt. Of he mit de noch Kinner harrt hett, weet man nich.[2]

Krey wark as Dörpschoolmeester un Organist vun der St.Marien-Kark vun Buttfoor. Över de eng Grenzen vun sien Dörp bekannt wurrn is Folkert Krey dör de Herutgaav vun en plattdüütsch Reekenbook, dat lang Tiet in oostfreesch Scholen brukkt wurrn is. De Bekanntheitsgrad vun dit Reekenbook wiest sück ok in en spreekwöörtlich Redewennen, de ok hüüd in Oostfreesland hier un dor bruukt wurrd:[3] Zitat: Dat is so seeker as twê mal twê vêr sünd, na Folkert Krey sîn Rekenbôk. Noch 1839, also ruch weg hunnert Johr nah den eersten Druck, geev dat all de 15. Uplaag vun dit Reekenbook. Dat wurr domals vun den Lehrer Hofmann ut Blersum besörgt.[4]

Warken in Utwahl[ännern | Bornkood ännern]

  • Rekenbook (1738); 15. Uplaag: 1839 (bearbeit vun Hofmann, Blersum)

Literatur[ännern | Bornkood ännern]

  • Heinrich Drees: Die Schule Buttforde von 1681 bis 1815. Chronik der Schule in Buttforde, in: Heimatklänge, Bilaag vun den Anzeiger für Harlingerland van’ 28. Mai 1931

Enkeld Nahwiesen[ännern | Bornkood ännern]

  1. Genealogie-Net: Livres local d'heritage Stedesdorf, Burhafe, Dunum - Rapport de famille; afroopen an’ 11. Mai 2011
  2. Genealogie-Net: Livres local d'heritage Stedesdorf, Burhafe, Dunum - Rapport de famille; afroopen an’ 11. Mai 2011
  3. Zeno: Redewendungen zu Sicher; afroopen an’ 10.Mai 2011
  4. Dettmar Coldewey: Frisia Orientalis. Daten zur Geschichte des Landes zwischen Ems und Jade, Wilhelmshaven 1967, S. 26