Flunkenspegel

Vun Wikipedia
Zur Navigation springen Zur Suche springen
Seken vun de Graue Aante (Anas platyrhynchos). De Flunkenspegel is goot to sehn.l

In de Ornithologie (Vagelkunne) is de Begreep Flunkenspegel oder Flögelspegel, hen un wenn ok bloß Spegel (lat. Speculum) en Woort for en Partie Feddern an de Flunken, de vun'e Farv her düütlich upfallen deit. Sunnerlich bi Swemmaanten gifft dat faken en düütlichen Flunkenspegel. Bi'n Swemmen un ok bi't Flegen is he good to sehn. As Kennteken is he faken bi Waart un Aante un ok in dat Slichtkleed to sehn, un warrt vundeswegen bi en Reeg vun Aarden to'n Bestimmen bruukt.

Waart vun de Graue Aante (Anas platyrhynchos) mit Flunkenspegel, de düütlich utspreet' is.

Bi de Graue Aante schillert de Flunkenspegel Dunkerblau. Umto loppt en witte Grenzen. Bi de Kricke schillert de Flunkenspegel gröön, bi de Snateraante is he schier witt. Bi verscheden Aantenaarden warrt de Flunkenspegel bi de Balz insett bi dat so nömmte Schienputzen. Dor röögt de Waart den Flunkenspegel bi mit'n Snavel an, as wenn he sik achtern Flunken upschieren dö.[1] Ok bi annere Vagelgruppen, as man bi de Aanten gifft dat düütliche Flunkenspegels, dormank allerhand Aarden vun Finken oder Papegooien.

Borns[ännern | Bornkood ännern]

Belege[ännern | Bornkood ännern]

  1. U. N. Glutz von Blotzheim, K. M. Bauer: Handbuch der Vögel Mitteleuropas. Band 2: Anseriformes (1. Teil). AULA-Verlag, 2004, ISBN 3-923527-00-4.

Literatur[ännern | Bornkood ännern]

  • Ralf Wassmann: Ornithologisches Taschenlexikon. AULA-Verlag, Wiesbaden 1999, ISBN 3-89104-627-8.
  • Lexikon der Biologie. 5. Band, Spektrum Akademischer Verlag, Heidelberg 2004, ISBN 3-8274-0330-8.