Flipchart

Vun Wikipedia
Zur Navigation springen Zur Suche springen
Flipchart

En Flipchart (ok Flip-Chart, engelsch för Umblööden-Diagramm, düütsch: Tafelschreibblock, so völ as Tafelschrievblock) is en visuell Hülpsmiddel anstäe vun en Schrievtafel, bispeelswies vun Vördrääg, Referaten, Bespreeken un bi Gruppenarbeit.

Flipchartständer un -papeer[ännern | Bornkood ännern]

Dat Flipchart besteiht ut en groot Plaat (meest magnethaftend), baben en Klemmvörrichtung för dat Flipchartpapeer, ünnern en Aflaag för Stifte as ok en uttreckboren Ständer (af un to up Rullen). De Ständer hett dree Beenen, de meestens in de Längt anpasst wurrn könnt.

Flipchartpapeer orienteert sück meest an dat Format B1 (100 cm × 71 cm, z.B. 99 cm x 68 cm) oder gelegentlich an A1 (84 cm x 59 cm). Dat is meestens ahn Liens oder in en wiet Raster kareert, dörschrievfast för Filzschriever (70 bit 80 g/m²) un wurrd meestens in 20er-Blöcken leefert. Baben is dat locht un wurrd so up de Zapfen an den Flipchartständer steckt un mit de Klemmvörrichtung fast maakt. En Perforatschoon deent to dat Afrieten vun de Blööd.

Siet eenig Johren gifft dat ok digitale Flipcharts, de dat mögelk maaken, dat wat upschreeven oder malt is as PDF to sekern oder live to överdragen.

Didaktik[ännern | Bornkood ännern]

De Vördragende schrifft mit dick Filzstiften (farvig Markern) up den Flipchart-Papeerblock. Teeknungen un Diagramme maaken den Inholt visuell erfohrbar. Mit Fettkrieden wurrn Flachen hervörhaben. Beschreeven Blööd könnt aftrennt un mit Kleevband oder an en Magnetliest an de Wand uphangt wurrn. Dordör ergifft sück en fortloopend Protokoll.

An en Flipchart kann en Thema ok interaktiv mit de Deelnehmers entwickelt un dokumenteert wurrn.

Historie[ännern | Bornkood ännern]

Dat Flipchart wurr vun John Henry Patterson utfunnen. He weer US-amerikaansch Verdrievspionier un Ünnernehmensgrünner vun de NCR Corporation.

Flipchartmoderatschoon[ännern | Bornkood ännern]

Weblenken[ännern | Bornkood ännern]

Commons-logo.svg Flipcharts. Mehr Biller, Videos oder Audiodateien to’t Thema gifft dat bi Wikimedia Commons.