Flat Rack

Vun Wikipedia
Zur Navigation springen Zur Suche springen
Flat Racks

Dat Flat Rack (nt.) is en Container, de blot vörn un achtern (an'e Steernsieten) en Wand hett. De Sietenwänn un dat Dack fehlt. Dat gifft Flat Racks in de Standardgrötte vun 20 oder 40 Foot un ok in de Maate vun en High-Cube-Container. Bruukt weert Flat Racks för Stückgoot, datt nich in en normolen Container rinpassen deit. De Packstücke, tomeist sund dat Kisten, weert up dat Flat Rack fastmaakt. De statische Bruuklast vun 40-Foot-Flat-Rack-Containers liggt hüdigendags bi 50.000 kg. Dor weert Flat Racks ok as „künstliche Decks“ up Vullcontainerscheepe um bruukt, wenn groote un swaare Maschinendeele transporteert weern mütt.

De Reederee nümmt för de Frachtkosten en Toslag un ok de Insatz vun dat Flat Rack an sik kost Geld. Düsse Kosten sund Deel vun de Frachraat. Flat Racks, Open Top Containers un Küll-Containers weert ok „Spezial-Equipment“ (Spezial-Reedschop) nömmt. Leddige Flat Racks sund meist blot in de Seehabens to kriegen, wenn se in en Binnenhaben bruukt weert, mütt se dor, gegen Geld, henbröcht weern.