Flagg vun Tuvalu

Flagg vun Tuvalu (Format 1:2)

Staatsflagg

Gouverneursflagg

De Flagg vun Tuvalu is in ehr hüütige Anorden in’t Johr 1978 mit de Unafhangigkeit vun Tuvalu inföhrt worrn. 1997 weer de Form ’n lütt beten ännert.

Beschrieven

As bi vele annere fröhere oder hüütige Kolonien vun Grootbritannien bargt de Natschonalflagg vun Tuvalu de Unionsflagg, de sik in dissen Fall baven links befinnt. De Flagg is dör de hellblaue Klöör as Grundfarv en Afoort vun de Blue Ensign.

Toorden vun Steerns un Eilannen

Op de rechten Hälft sünd negen gele Steerns afbillt. Se staht för de negen Eilannen, de dat Staatsrebeet vun Tuvalu billt. De Steerns sünd op de Flagg geograafsch richtig anordent, wenn de Flagg hochkant ophangen warrt (mit de Union Jack rechts baven in de Eck).

Historie

De Flagg vun Tuvalu weer 1996 vun en ne’e Flagg aflööst, de nix mehr mit de britischen Flagg to doon harr, liekers aver de Eilannen in Form vun Steerns wiesen de. Man, de Inwahners hebbt disse ne’e Flagg nich recht annehmen wullt, so dat de Regeren 1997 wedder de olle Flagg in en licht afwannelte Form inföhrt hett

• Histoorsche Flaggen
• 
  Flagg vun de Gilbert- un Ellice-Eilannen, woneem Tuvalu tohöört hett
• 
  Flagg vun’t Territorium vun Tuvalu vun 1976 bit 1978
• 
  Flagg vun Tuvalu vun 1978 bit 1995
• 
  Flagg vun Tuvalu vun’n Oktober bit Dezember 1995 (mit blots acht Steerns)
• 
  Flagg vun Tuvalu vun 1996 bit 1997

Literatur

• Karl-Heinz Hesmer: Flaggen und Wappen der Welt. Geschichte und Symbolik der Flaggen und Wappen aller Staaten. Gütersloh: Bertelsmann Lexikon Verlag, 1992. ISBN 3-570-01082-1

Weblenken

Flaggen vun Tuvalu. Mehr Biller, Videos oder Audiodateien to’t Thema gifft dat bi Wikimedia Commons.

• Flags of the World – Tuvalu (engelsch)