Flagg vun Swasiland

De Flagg vun Swasiland wurr offiziell an‘ 30. Oktober 1967 inführt.

Beschrieven un Bedüüden[ännern | Bornkood ännern]

De Breedt vun de Längsstriepen steiht in en Verhältnis vun 3:1:8:1:3. De Farven hebbt folgend Bedüüden:

Root steiht för de Schlachten in de Vergangenheit.
Geel symboliseert den natürlichen Riekdom an Mineralschatzen.
Blau steiht för den Freeden.

De Schild is dat Teeken vun de Emasotsha-Regiments, dat wurrd ok in dat Wappen vun Swasiland wiest.

Farven[ännern | Bornkood ännern]

System	Root	Geel	Blau	Swaart	Witt
RGB	177-12-12	255-217-0	62-94-185	0-0-0	255-255-255
Hexadezimalformat	#B10C0C	#FFD900	#3E5EB9	#000000	#FFFFFF

Historie[ännern | Bornkood ännern]

In dat National Museum in Mbabane existeert de Dorstellung vun en Flagg, de vun de „Triumvirat-Regeeren vun de Swasi, Buren un Briten“ 1894 führt wurr. Wohrschienlich wurr se bitt o de Burenkriegen un de ansluutend endgültig Annexion dör de Briten, führt. Dornah geev dat för dat Swasiland kien eegen Flagg, in Gebruuk weer blot de Union Jack.

De hüüdig Natschonalflagg geiht up de 1941 verlehnt Fahn vun dat Swazi Pioneer Corps torüch, de in den Tweeten Weltkrieg up britsch Siet Deenst makt hett. De Flagg in hüüdig Form hett sück allerdings 1954 Emily Shongue, de Cousine vun König Sobhuza II., utdocht. As de König sien Amtseid an’ 25. April 1967 leist hett wurr de Flagg to’n eersten mol hisst un nah de Registreeren in dat Londoner Heroldsamt an’ 30. Oktober in en beten ännert Form amtlich fastleggt.