Flagg vun Paraguay

Vun Wikipedia
Flagg vun Paraguay

De Flagg vun Paraguay (spaansch: bandera del Paraguay) wurr an' 27. November 1842 offiziell inführt. De Dag vun de Fahn (Día de la Bandera) wurrd an' 14. August fiert.

Beschrieven un Bedüüden[ännern | Bornkood ännern]

Natschonalflagg an Land un op SeeAchtersied vun en Flagg Rücksiet vun de Flagg vun Paraguay
Natschonalflagg in en School in Misiones

Traditschonell hemm de Farven vun de Natschonalflagg vun Paraguay folgen Bedüüden: Root: Gerechtigkeit (Justicia), Witt: Freeden (Paz), Blau: Freeheit (Libertad)

De Flagg vun Paraguay wiest en Besünnerheit up: Wenn man vun den Sünnerstatus vun de Flagg vun Westsahara afsücht, hett se as eenzig gültig Staatsflagge neben de vun Saudi-Arabien en ünnerscheedlich Vörder- un Rücksiet. Up de Vördersiet befinnd sück dat Staatswappen, up de Rücksiet dat Sello de Hacienda. Dat Emblem wiest en sitten geelen Löwen vör en bruun Stang, de en root Jakobinermütz (spaansch: Gorro frigio) droggt. Över de Mütz steiht de Wahlspröök Paz y Justicia (Freeden un Gerechtigkeit).

Historie[ännern | Bornkood ännern]

Eerstmals nömmt wurr de root-witt-blau Trikolore an' 15. August 1812, dormals wurr se in Asunción mit en Wappen in de Midden hisst. Se geiht up dat Johr 1806 torüch, as de Truppen vun Paraguay witt, blau un root Flaggen führen deen, wiels se to Ünnerstütten vun Buenos Aires gegen den Infall vun de Briten ielen deen. Nah en anner Version führ de Diktator José Gaspar Rodríguez de Francia de Flagg in, anlehnt an de franzöössch Trikolore, wiel he en Verehrer vun Napoléon Bonaparte weer.

För de Tüschentiet wurrn ok anner Flaggen nömmt. So wurr to dat Inweehn vun den Kongress an' 17. Juni 1811 en Flagg hisst, de de Farven root-geel-blau un as Emblem dat Wappen vun den König droog. Anner Flaggen weern en root-witt-blau mit breet Middelstriepen un en Blau mit en witten Steern in de bövere rechte Eck.

Dat Siedenverhältnis wurr mehrere Male ännert. Das Wappen wurr in de Johren 1990 (Vördersiet) un 2013 (Vörder- un Rücksiet) ännert.

Wiedere Flaggen vun Paraguay[ännern | Bornkood ännern]

Paraguay hett woll kien Togang to dat Meer, hett aber liekers en Marine un de för hör Kriegsscheep en Gösch. Dorneben gifft dat Flaggen för den Präsidenten, den Verteidigungsminister, den Böverkommandeeren vun de Strietkraften un anner Deenstposten.

Ok Departamentos un Distrikte vun dat Land hemm eegen Flaggen, ebenso verscheeden Parteien vun Paraguay.

Weblenken[ännern | Bornkood ännern]

Flaggen vun Paraguay. Mehr Biller, Videos oder Audiodateien to’t Thema gifft dat bi Wikimedia Commons.