Flagg vun Japan

De Flagg von Japan (japaansch:|日章旗 Nisshōki ‚Sünnenwappenflagg‘ bzw. 日の丸}} Hi no Maru‚Sünnenschiev‘) wiest up witten Grund en nau in de Midden anordneten grooten zinnoberrooden Kreis as Sünnensymbol.

Upbau

Dat Siedenverhältnis vun de Natschonalflagg bedrocht 2:3, de Dörmeter vun de Sünnenschiev bedrocht 3/5 de vun de kört Siet vun dat Rechteck vun de Flagg. Korrekt Maaten weer bispeelswies en Flagg mit 1,50 m Breedt un 1 m Hööcht mit en Sünnenschiev vun 60 cm Dörmeter.

Historie

Inführt wurr de Flagg an' 5. August 1854. All in de Tiet vun de Meiji-Restauratschoon in dat Johr 1868 wurr se as Natschonalflagg ankeeken. Ofschons dat Sünnenschiev-Design 1870 offiziell för Flaggen to See ingührt wurr, wurr se formell eerst an' 13. August 1999 to de Natschonalflagg verklort. 1999 wurr dat Siedenverhältnis vun 7:10 up 2:3 ännert. Todem weer luut Vörschrift van 1870 de Sünnenschiev licht um 1/100 to'n Mast hen versett. In de hüüdig Version liggt de Schiev in't Zentrum.

Wiedere Flaggen vun Flaggen Japan

De Version mit de 16 root Strahlen (Kyokujitsuki) wurr bit Enn' vun den Tweeten Weltkrieg vun de japaansch Strietkraften bruukt. Siet 1954 wurrd se weer för de japaansch Marine bruukt.

De Standarte vun Kaiser Akihito wiest en golden, 16-blödrige Chrysanthemenblööt (in stiliseert Form), de sück in dat Zentrum vun en root Flaag befindt. Dat Siedenverhältnis bedrocht 2:3.