Flagg vun Finnland

Vun Wikipedia
Zur Navigation springen Zur Suche springen
Natschonalflagg vun Finnland

De Flagg vun Finnland wiest en blau skandinavisch Krüüz up witten Achtergrund. Neben de amtlich Beteeken „Flagg vun Finnland“ (finnisch: Suomen lippu, sweedsch: Finlands flagga) is ok de volksdömlich Beteeken siniristilippu („Blaukrüüzflagg“) begäng.

Se wurr per Gesett an' 29. Mai 1918 as offiziell Symbol vun Finnland inführt.

Dat wurrd tüschen de „allgemeen Natschonalflagg“ un de vun staatlich Inrichtungen bruukt Staatsflagg übberscheed.

Beschrieven un Bedüüden[ännern | Bornkood ännern]

Börgerlich Flagg un Hannelsflagg Längenverhältnisse vun de Flagg vun Finnland

De Börgerlich un Hannelsflagg is de Grundlaag vun all Versionen vun de Natschonalflagg. Se is rechteckig. En blau Krüüz deelt de Flagg in veer Rechtecke. De gesamte Flach is 11 Maateenheiten hooch un 18 Maateenheiten lang. De Breedt vun dat Krüüz bedrocht 3 Maateenheiten. De binneren Felder sünd 5 Maateenheiten lang, de buteren 10.

Dat Blau vun dat Krüüz steiht för de finnischen Seen, de witt Grundflach för den Schnee.

Anfangs wurrn de Farven vun de Flagg mit Hüöp vun Musterstoffen fastsett. Hüüd hemm sück aber de Definitschoon dör dat CIE-Normvalenzsystem, dat sweedsch NCS Natural Colour System un dat Pantone Matching System (PMS) disse herkömmlich Methood aflööst.

De Farven sünd as folgt defineert:

  • Nah PMS:
    • Blau: 294C
    • Root: 186C
    • Geel: 123C
  • Utgahnd vun de textilbetrucken pantonen Farven könnt näherungswies folgen CMYK afleit wurrn. Se sünd nich Bestanddeel vun de offiziell Definitschoon:
    • Blau: C = 100 %; M = 56 %; Y = 0 %; K = 18,5 %
    • Root: C = 0 %; M = 91 %; Y = 76 %; K = 6 %
    • Geel: C = 0 %; M = 30,5 %; Y = 94 %; K = 0 %

Historie[ännern | Bornkood ännern]

Finnland weer lang Tiet en Deel vun Sweden un dornah hörr dat Land to dat Russisch Kaiserriek. As dat Land 1917 vun Russland unafhängig wurr, hett man sück en eegen Natschonalflagg geven, de de Unafhängigkeit vun Finnlands symboliseeren sull. Se wurr vun de Künstlern Eero Snellman un Bruno Tuukkanen entworfen. Dat hüüd bruukt Staatswappen un dat up de Präsidentenflagg dorstellt Freeheitskrüüz stammen vun Olof Eriksson.

De Flagg vun Finnland foot as meest all skandinavisch Flaggen up den Danebrog, de de Sage nah all 1219 eerstmals dat skandinavisch Krüüz bruuk. Hüüd führ all fiev Staaten en Flagg mit dat Krüüz. En anner beteeken is „Krüüz vun den Norden“ in Analogie to dat Krüüz vun den Süden, dat faken up Flaggen vun Staaten vun de Süüdhalfkugel bruukt wurrd. Sogot de Normandie in Frankriek führt dat skandinavisch Krüüz as Flagg.

Staatsflagg[ännern | Bornkood ännern]

10:18 Deenstflagg an Land un op See Staatsflagg vun Finnland

De Staatsflagg is ahn Utnahm de staatlichen Institutschonen vörbehollen.

In hör rechteckigen Form entspreckt de Staatsflagg vun dat Land in' Prinzip de Natschonalflagg, wiest aber in de Midden vun dat Krüüz tosätzlich dat finnisch Wappen up en root, quadratisch Avhtergrund. Tüschen den rooden Achtergrund un den blau Krüüz gefind sück en dünn geel Rand (3/40 Maateenheiten breet).

De rechteckig Staatsflagg wurrd vun staatlich Inrichtungen as dat Parlament, de Regeeren, Gerichten, diplomaatsch Vertretungen in' Utland un staatlichen Hoochscholen bruukt. Ferner kummt se up de staatlichen Schippsflotte to'n Insatz (to'n Bispeel up Iesbrekern).

Kriegsflagg[ännern | Bornkood ännern]

11:19 Kriegsflagg an Land un op See Kriegsflagg vun Finnland

De tungförmige Kriegsflagg is en Maateenheit länger as de rechteckig Form un is up de den Fahnenmast gegenöverliggen Siet dreefack spitz tosneeden. Se wurr vun de finnisch Armee bruukt.

Sünnerformen[ännern | Bornkood ännern]

Dat finnisch Gesett sücht en Reeg vun vun Sünnerformen vun de finnisch Flagg vör.

Präsidentenflagg[ännern | Bornkood ännern]

11:19 Präsidentenflagg vun Finnland

De Präsident vun de Republiek Finnland bruukt de Staatsflagg in Tungform, up de mastsiedig bövere Eck befind sück dat Freeheitskrüüz, dat en blau Tatzenkrüüz mit en geel Hakenkrüüz kombineert.

Militärisch Sünnerformen[ännern | Bornkood ännern]

Dree Sünnerformen vun de Flagg kommt in' militärischen Tosammenhang to'n Insatz. Se footen up de tungförmig Staatsflagg un ünnerscheeden sück jewiels dör dat in de mastsiedig bövere Eck anbrocht Symbol:

  • Minister för't Verdeffenderen – twee bruun Gewehre vör twee överkrüüzt dorstellt geel Kanonenröhrs
  • De Kommandant vun de Armee – bruungeel Marschallstaf un blaugeel Schwert över Krüüz mit en geel Kanonenröhr
  • Kommandant vun de Marine – blau Ankervör twee överkrüüzt dorstellt geel Kanonenröhrs

Freetietbööt[ännern | Bornkood ännern]

Up Freetietbööt kann en Sünnerform vun de finnisch Flagg bruukt wurrn, bi de sück up dat blau Krüüz en dünn witt Krüüz (Breet 3/5 Maateenheiten) un up de mastsiedig böveren Eck dat Symbol vun den Bootsvereen befind.

Gebruuk[ännern | Bornkood ännern]

Mit de finnisch Flagg un hör Gebruuk sünd en ganze Reeg vun Traditschonen, Regeln un Gesetten verbunnen.

Flaggendaag[ännern | Bornkood ännern]

Kriegsflagg in Helsinki in' Wind

In Finnland gifft dat sowohl offizielle as ok so nömmt inbörgert Flaggendaag.[1][2]

Bi de offiziell Flaggendaag, de ok per Gesett fastleggt sünd, moot bi apenlich Gebäuden de finnisch Flagge uptrucken wurrn. Dat bedraapt de folgen Daag:

  • 28. Februar – Kalevalan päivä/Kalevadagen, Dag vun de finnisch Kultur
  • 1. Mai – vappu/första maj, Dag vun de finnisch Arbeit
  • der zweite Sonntag im Mai – Moderdag
  • 4. Juni – puolustusvoimain lippujuhlan päivä/försvarets fanfest, Dag vun dat Flaggenfest vun de Armee
  • de Saterdag tüschen den 20. Juni un den 26. Juni vun en Johr – Juhannus, Mittsömmerfest un Suomen lipun päivä/Finlands flaggas dag, Dag vun de finnisch Flagg
  • 6. Dezember – itsenäisyyspäivä/självständighetsdagen, Unafhängigkeitsdag
  • Daag, an de natschonale oder kommunale Wahlen as ok Europawahlen stattfinnen oder Volksafstimmungen in dat ganze Land afhollen wurrn
  • de Dag, an de de Präsident vun de Republiek Finnland in't Amt inführt wurrd

Tosätzlich is dat Bruuk, ok an de inbörgert Flaggendaag de finnisch Flaag uptotrecken, dat is aber kien Plicht. Dorvan sünd de folgen Daag bedrapen:

  • 5. Februar – J. L. Runebergin päivä/Runebergsdagen, Johan-Ludvig-Runeberg-Dag
  • 19. März – Minna Canthin päivä/Minna Canthdagen, Minna-Canth-Dag – Dag vun de Gliekberechtigung
  • 9. April – Mikael Agricolan päivä/Mikael Agricoladagen, Mikael-Agricola-Dag vun de finnisch Spraak
  • 27. April – kansallinen veteraanipäivä/nationella veterandagen, Natschonaler Veteranendag
  • 12. Mai – J. V. Snellmanin päivä/Snellmansdagen, Dag vun de finnisch Kultur
  • de darte Sönndag in' Mai – Gedenkdag för de Gefallenen
  • 6. Juli – Eino Leinon päivä/Eino Leinodagen, Eino-Leino-Dag, Dag vun de Dichtung un den Sömmer
  • 10. Oktober – Aleksis Kiven päivä/Aleksis Kividagen, Aleksis-Kivi-Dag, Dag vun de finnisch Literatur
  • 24. Oktober – Yhdistyneiden Kansakuntien päivä/FN-dagen, UNO-Dag
  • 6. November – ruotsalaisuuden päivä/svenska dagen, Dag vun de sweedsch Kultur
  • der zweite Sonntag im November – Vaderdag
  • 8. Dezember – Jean Sibeliuksen päivä/Jean Sibeliusdagen, Jean-Sibelius-Dag, Dag vun de finnisch Musik (siet 2011)

För de Samen un Åländer gifft dat tosätzlich eegen Flaagendaag för deren offizielle Flaggen.

Regeln to de Beflaggung[ännern | Bornkood ännern]

Jeder Finne hett dat Recht, de finnisch Flagge to hissen, wenn he dat för angebrocht hollt. Private Anlässe, to de faken de Fahn uptrucken wurrd, sünd to'n Bispeel Hochtieden, Gebortsdaag, de Ehrung vun besünner Gäste oder Abiturfiern. Bi Doodsfällen wurrd halfmast flaggt.[3]

De Flaggendaag per Gesett sünd för staatliche un kommunale Inrichtungen verbindlich un ok an de inbörgert Daag wurrd vun de flaggt. De meest Privatlüüd hissen an disse Daag ebenfalls de Fahnen; in Wohnblocks oder -siedlungen wurrd dat meest vun den Huusmeester oder Huusmeesterdeenst maakt.[1]

De Natschonalflagg wurrd mörgens um 8 Uhr hisst un bi Sünnenünnergang afnommen – allerdings nich later as 21 Uhr. Dat gifft dree Utnahmen vun disse Regel:[4][5]

  • an den Dag vun de finnisch Flagg wurrd de Fahn an' Vöravend vun dat Mittsömmerfest um 18 Uhr hisst un eerst an den Dag vun dat Mittsömmerfest um 21 Uhr afnommen
  • an den Unafhängigkeitstag end de Beflaggung um 20 Uhr
  • an Wahdaag, an de de Wahllokale bit nah Sünnenünnergang apen sünd, end de Beflaggung um 20 Uhr

Dat Inhollen vun disse Tieden is blots för de apenlich Inrichtungen vun den Staat un de Kommunen verbindlich; se hörrt aber to'n gooden Stil un wurrd dorum in de Regel ok vun Privatpersonen nipp un nau beacht.

Vernichtung[ännern | Bornkood ännern]

En finnisch Fahn is in' Bedarfsfall dör Verbrennen to entsörgen oder in so lütt Deelen to snieden, dat se nich mehr as Flagg to erkennen is un denn nah Mögelkeit up mehrere Malen verdeelt in den Restmüll to geven.

Wat ünner Straaf steiht[ännern | Bornkood ännern]

Well

  • de finnisch Flagg apenlich beschädigt,
  • se unehrwürdig bruukt oder
  • en apenlich sichtbar Flagg ahn Erloovnis entfernt, maakt sück de Entweehn vun de finnisch Flagg (Suomen lipun häpäiseminen/skymfande av Finlands flagga) schuldig.[6]

Wel

  • unberechtigt de Präsidentenflagg oder en anner Staatsflagg bruukt,
  • en Flagg bruukt, de nich regelgemaatig Tosatzteeken drocht oder
  • en Flagg as finnisch Flagge verköfft, de vun de Farven oder Afmeeten nich den Gesetten un Verordnungen entspreckt, maakt sück den Verstööten gegen de Regeln över de finnisch Flagg schuldig.[6]

Wiedere in Finnland bruukt Flaggen[ännern | Bornkood ännern]

Folgend Flaggen kommen neben de Flagg vun Finnland regional oder to bestimmt Anlaaten to'n Insatz:

Weblenken[ännern | Bornkood ännern]

Commons-logo.svg Flaggen vun Finnland. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. 1,0 1,1 Sisääsiainministeriö: The days the Finnish flag is flown
  2. finlex.fi: Förordning om flaggning med Finlands flagga 26. Mai 1978/383 (2 §)/Asetus liputuksesta Suomen lipulla 26. Mai 1978/383 (2 §)
  3. Sisääsiainministeriö: Flying the Finnish flag
  4. Sisääsiainministeriö: Times of day the flag should be flown
  5. finlex.fi: Förordning om flaggning med Finlands flagga 26.Mai 1978/383 (4 §)/Asetus liputuksesta Suomen lipulla 26. Mai 1978/383 (4 §)
  6. 6,0 6,1 finlex.fi: Laki Suomen lipusta 26. Mai 1978/380, 8 §