Flagg vun Döringen
.svg)
De Flagg vun Döringen besteiht ut en witt-root Bikolore. De Landsdeenstflagg drocht tosätzlich dat Landswappen vun Döringen in de Midden. Dat Wapen wiest en root-witt-striept Lööw up blau Schild, ümgeven vun acht witt sösszackig Steerns.
Historie
[ännern | Bornkood ännern]Nahdem 1920 ut den Tosommensluss vun de söben Volks- bzw. Freestaaten Sassen-Weimar-Eisenach, Sassen-Gotha (ahn Coburg, dat hett sück Bayern anslooten), Sassen-Altenburg, Sassen-Meiningen, Volksstaat Reuß, Schwarzburg-Rudolstadt un Schwarzburg-Sondershausen dat Land Döringen entstunn, nehm man in dat Johr as Flagg en witt-root Bikolore mit en Wapen in de Midden an. Dat Wapen in de Midden wies söben sösstackig Steerns up en root Schild, de de ehmalg Volks- bzw. Freestaaten repräsenteeren un dat dormalige Landswapen dorstellen dee.
Nah de Ingleederung vun preußischen Territorien (Regeerensbezirk Erfurt) nehm dat Land Döringen 1945 en anner Wappen an, wat nu en golden Lööw, umringt vun acht sösstackig Steerns wies. En Steern is för de preußisch Rebeden dorto kommen. Bit to de Uplöösen vun de Länner 1952 behull de DDR de Flagg bi. Nahdem Döringen 1990 weer ne grünnt wurrn weer, wurr de witt-root Bikolore weer as Flagg nommen, aber mit lütt Ünnerscheeden in dat Wappen. Dat Wapen wiest nu en root-witt striept Lööw up en blau Schild, ümgeven vun acht witt sösstackig Steerns.