Flagg vun Burkina Faso

Flagg vun Burkina Faso Siedenverhältnis=2:3

De Flagg vun Burkina Faso wurr an' 4. August 1984 offiziell inführt.

Beschrieven un Bedüüden

Natschonalflagg vun Burkina Fasos in dat franzöösch La Gacilly

De Natschonalflagg bruukt de traditschonellen panafrikaansch Farven. De Flagg is in Root un Gröön horizontal deelt, in de Midden beleggt mit en golden fievzackig Steern.

Root steiht för dat vun de Merteler vun de Revolutschoon vergaaten Bloot un de Opfer vun dat Volk vun Burkina Faso. Gröön steiht för den landwertschaplichen Riekdom vun dat Land, de de Freude vun dat Volk bewohren sall. De geel Steern führt symbolisch de demokratsche Volksrevolutschoon bi sien glänzenden Fortschritt.

Historie

Ünner de Naam Bövervolta führ dat Land af den 9. Dezember 1959 en eegen Flagg, de dat nah de Unafhängigkeit vun Frankriek 1960 behollen dee. De Farven vun de Flagg hemm sück vun de Naams vun de dree Hööftströöms vun dat Land Swaart Volta, Witt Volta un Root Volta afleit. De Ähnlichkeit to de swaart-witt-root Flagg vun dat Düütsch Kaiserriek (3:5) is tofällig. De Präsidentenstandarte wies de glieker Trikolore in en Siedenverhältnis vun 1:1.

1983 keem dat to'n Staatsstriek, de de Inführen vun nee Staatssymbole un -naam folg. De Entwurf stammt vun den Grundschoolmester Rouamba Adama, de mit de panafrikaansch Farven un den Afscheed vun en Trikolore düütlich de koloniale Historie en för alle Mal afsluuten wull. De Präsidentenstandarte is weer en 1:1-Version vun de Natschonalflagg.

• 
  2:3 Flagg vun Bövervolta
• 
  1:1 Präsidentenstandarte vun Bövervolta

Anners Wat

An' Natschonalfierdag, den 11. Dezember, is jeder Börger vun Burkina Faso dorto anhollen, de Natschonalflagg to setten.

Weblenken

Flaggen vun Burkina Faso. Mehr Biller, Videos oder Audiodateien to’t Thema gifft dat bi Wikimedia Commons.

• Flags of the World - Burkina Faso (engelsch)