Ferguson Peak (Süüdgeorgien)

Vun Wikipedia
Zur Navigation springen Zur Suche springen
Ferguson Peak
Barggrupp:
Hööchd: 560 m över de See
Laag: Süüdgeorgien
Ozeaan: Atlantik
Koordinaten:
Koordinaten:54° 47′ S, 35° 50′ W
54° 47′ S, 35° 50′ W
Ferguson Peak
Laag vun Ferguson Peak in Süüdgeorgien

De Ferguson Peak is en 560 m över de See hogen Barg an’t oosten Enn von Süüdgeorgien. He liggt stracks westen von’t Koppenn von de Cooper Bay.

De brietsche Ornitholoog Niall Rankin hett den Barg bi en Besöök in Süüdgeorgien in dat Johr 1947 fotografeert. Rankin hett den Oort von siene Opnahm nich verraden, denn he wull de Robbenkolonie, de to de Tied in de Cooper Bay leevt hett, vör’n Togreep von brietsche Robbenjägers schulen. Deelnehmers von en Expeditschoon na Süüdgeorgien von 1954 bet 1955 hebbt de Steed denn utfinnig maakt. Se hebbt den Barg Fur Seal Peak (engelsch för Pelzrobbenspitz) nöömt. Midderwielen weer Bird Island an’t westen Enn von Süüdgeorgien de letzte Pelzrobbenkolonie op de Eilannen, so dat düsse Naam nich ganz passen dee. Dat UK Antarctic Place-Names Committee hett den Barg 1957 na’n schottschen Geoloog David Ferguson (1857–1936) nöömt, de in’n Opdrag von dat Ünnernehmen Christian Salvesen & Co. twüschen 1911 un 1912 geoloogsche Studien op Süüdgeorgien daan hett.

Weblenken[ännern | Bornkood ännern]