Ferdinand Lafrentz

Ferdinand Lafrentz (* 25. März 1859 in Landkarken up Fehmarn; † 1954) was een Plattdüütsken, de in de Stoten uutwannern döö un auk wat up Platt schreev.

He worde den 25. März 1859 in Landkarken up Fehmarn boren un wanner 1873 in de USA uut. He lehrt in de eerst an ene Hannelsschole in Chicago un läter bi enen Händler för Veeh in Cheyenne.

In’n Johre 1888 wählt man enne för dat Parlament van Wyoming. Üm 1900 rüm is he as Afkaat in Odgen in’n Bundstoot Utah togange un werrt to'n Sluss sogor Direkter van verschedene amerikaansken Versicherungssellskoppen. 1928 schenkt he de Tiedschrift Quickborn ene orignale Handschrift van Klaus Groth. 1954 ging he mit Daude af.

Werke

• Nordische Klänge: Plattdütsche Riemels, Mit einem Vorwort von Klaus Groth, Chicago: L. W. Neele, 1881.
• Nordische Klänge: Plattdeutsche Gedichte, von F. W. Lafrentz. Hamburg: Hermes, 1922.

Kiek ook bi

• List vun plattdüütschen Schrievers

Weblenken

• Ferdinand Lafrentz in de Datenbank Die niederdeutsche Literatur (hoogdüütsch)