Füssen
Füssen is en Stadt in den bayerisch-schwäbischen Landkreis Ostallgäu. Se liggt in den Süüdwesten van Bayern an de Romantisch Straat un an de Via Claudia Augusta. In’n Osten grenzt de Stadt an den Lech un in’n Süüden an Öösterriek. Mit 15.425 Inwahnern (Stand 31. Dezember 2016) up en Flach van 43,5 km² is Füssen de tweetgröttste Stadt van dat Ostallgäu.
De Vergangenheit van Füssen reckt bit in de Römertiet torüch. De Oort hett sück an de van Noorditalien nah Augsborg Römerstraat Via Claudia Augusta, de Kaiser Claudius um 50 n. Chr. anleggen leet, entwickelt.
To de Naam van Füssen gifft dat wohl twee Versionen: Utgraven up den Füssener Slottbarg leeten Fundamente van en laatröömsch Kastell ut dat 4./5. Jahrhundert erkennen. Luut de Notitia Dignitatum weer hier um 400 n. Chr. en Afdeelen van de legio III Italica statschoniert. Vermootlich hett dat vör dat Johr 260 en röömsch Militärlager an disse strategisch wichtig Stäe geven. Sien Naam Foetibus/Foetes wurrd as Latiniseren van dat germaansch fot (Foot) verstaahn. Hierut entwickel sück later de Naam van den Oort över Fozen (1147), Fozin (1188), Fuozzen (1206), Füzzen (1366) to dat hüdige Füssen (af 1424).
En anner Version seggt aber, dat de Naam ut dat latiensch Woort „fauces“ stammt, wat översett „Schlund“ bedüüd. So wurr demnah de Stadt nah de Schlucht an‘n Lechfall nömmt.
Bekannt is de Stadt ok dör den Ieshockeyvereen EV Füssen, de 16 Mal düütsch Meester weer, mittlerwiel aber kien Rull mehr speelt.
Bekannt Lüüd ut disse Stadt
[ännern | Bornkood ännern]- Michael Greis (*1976), düütsch Biathlet