Eymer

Eymer (ok Eimer) is en plattdüütschen Vörnaam för Jungs.

Herkamen

De Naam kümmt vun Eilmar. Dor stickt de öllere Form Egilmar achter. Dor steekt de beiden Wöör „Egil“ (Sweert) un „mari“ (beröhmt) in. De Naam bedutt denn so veel, as „Sweert-Beröhmt“, oder „de beröhmt is vunwegen sien Sweert“.

De plattdüütsche Naam

Egilmar is toeerst mol tohopentrocken wurrn to Eilmar. Dor is denn dat -l- wegfullen un tolest dat -a- afslepen to en -e-. So is dor mit de Tiet de Naam Eimer vun wurrn, anners schreven ok Eymer.

Plattdüütsche Tonaams

Ut den Vörnaam sünd denn de plattdüütschen Tonaams Eimer, Eimers un Eymers vun maakt wurrn. De bedüüt denn so veel, as Ut Eimer/Eymer siene Familie oder Vun Eimer/Eymer sien Hoff

Kiek ok bi

• List vun plattdüütsche Vörnaams

Weblenken

• Wofaken un woneem de Vörnaam in Düütschland vörkummt: Eymer, Eimer