Everything but the Girl
Everything but the Girl is en britisch Pop-Duo, dat ut Tracey Thorn un Ben Watt bestahn dee un 1982 in Kingston upon Hull grünnd wurr. Hör gröttsten internatschonalen Hit harrn se Midden vun de 1990er Johren mit de Single Missing.
Geschichte[ännern | Bornkood ännern]
Nahdem Ben Watt (* 6. Dezember 1962 in London, England) 1982 över en Annonce an dat Swaart Brett an de University of Hull Kuntakt mit Tracey Thorn (* 26. September 1962 in Brookmans Park, England) upnommen harr, hemm se dat Duo Everything but the Girl grünnd. De beid wurrn sowohl beroplich as ok privat en Paar. Den Bandnamen hemm se vun den Warf-Slogan „Wi verkoopt jo all för de Slaapkamer – bi up en Fru!“ vun en Möbelhuus in Hull nommen.
In‘n Januar 1983 harr dat Duo sien eersten Upträe in dat The Institute of Contemporary Music Performance.[1] Hör eerst Hit-Single weer in dat Fröhjohr 1984 Each and Every One. Völ Johren lang gull dat Duo as Geheimtipp. Van 1992 bit 1993 muss Everything but the Girl en Dwangspaus inlegge, wiel Ben Watt swoor an dat Churg-Strauss-Syndrom krank wurrn weer.
Midden 1994 hemm se denn hör Album Amplified Heart herutbrocht. Mit den Todd-Terry-Remix vun de Single Missing, de in dat Original blots up Platz 68 vun de britisch Charts recken dee, kreegen se in‘ Harvst 1995 weltwiet Beachtung. Ok de folgend Singles Wrong un Walking Wounded weern spoodriek. In de folgend Johren hemm Everything but the Girl verscheeden Studio- un Remix-Alben herutbrocht.
In dat Fröhjohr 2005 hemm se hör bitlang letzt Album Adapt or Die – 10 Years of Remix herutbrocht, dornah truck sück de Band torüch.
In'n November 2022 hett de Band unverwacht ankünnigt, an en nee Studioalbum to arbeiten. An'n 10. Januar 2023 keem vöraf de eerste Single Nothing Left to Lose.
Weblinks[ännern | Bornkood ännern]
- Offizielle Webpräsenz (engelsch)
- Everything but the Girl in de Internet Movie Database (engelsch)
- Everything but th Girl bi Discogs (engelsch)
- „Everything but the Girl: Das Leben nach dem Pop“, Interview mit Tracey Thorn un Ben Watt, vun Christoph Dallach; in Zeit-Magazin Nr. 25/2014, 28. Juni 2014