Ernst Lemmermann
Ernst Johann Lemmermann (* 27. Mai 1867 in Bremen; † 11. Mai 1915 ok dor) weer en düütschen Botaniker un besünners Phykoloog (Algenkundler).
Lemmermann is 1867 as Söhn von Sophie, borene Dege, un den Warkföhrer von en Zigarrnfabrik, Diedrich Lemmermann, in Bremen boren.[1] He weer von 1898 af an Seminarlehrer an dat Lehrerseminar Bremen un dor ok botaanschen Assistent an dat Städtische Museum för Natur-, Völker- un Hannelskunn.[2] Een von sien Schölers an dat Lehrerseminar weer Friedrich Hustedt (1886–1968),[3], de sik denn ok mit Algenkunn uteneensett hett. Hustedt hett 1933 de Kieselalg Achnanthes lemmermannii beschreven un na sien Lehrer nöömt.
1910 hett Lemmermann en Doktertitel kregen.[4]
De Alg Anabaena lemmermannii is ok na Lemmermann nöömt.[5]
To de botaanschen Gruppen, de Lemmermann toeerst beschreven hett, höört de Ebriacea, de Microchaetaceae, Microcystis, Klebahniella, Schroederia, Acanthosphaera, Echinosphaeridium un Euglena terricola.
Sien Botaniker-Afkörten is Lemmerm.
Lemmermann hett an’n 10. April 1895 in Bremen Henriette Hermine Ulrich (21. Mai 1869–1944) freet.[4] De beiden harrn de Kinner Erna (1901–1984) un Kurt (30. September 1904–20. April 1976).[4] He is 1915 in Bremen doodbleven un an’n 17. Mai op’n Riensbarger Karkhoff begraven worrn.[4]
Warken[ännern | Bornkood ännern]
- Algologische Beiträge (IV-V), 1898
- Ergebnisse einer Reise nach dem Pacific (Hugo Hermann Schauinsland, 1896/97) : Plankton-Algen, 1899
- Das Genus Ophiocytium Naegeli, 1899
- Flagellatae, Chlorophyceae, Coccosphaerales und Silicoflagellatae (1908) in: Nordisches Plankton von Karl Andreas Heinrich Brandt un Carl Apstein (Rutgevers) – Flagellatae, Chlorophyceae, Coccosphaerales un Silicoflagellatae[6]
- Das Plankton schwedischer Gewässer, 1904[7]
- Pantostomatineae, Protomastiginae, distomatinae, 1914[8]
Footnoten[ännern | Bornkood ännern]
- ↑ Abhandlungen des Naturwissenschaftlichen Vereins zu Bremen. Bänn 24/25, 1920, Sied 273
- ↑ Botanicus.org Doctors van Leeuwen, W. Sammlung von Niederlàndisch Ost-Indischen Gallen.
- ↑ Alfred Wegener Institut (Friedrich Hustedt)
- ↑ a b c d http://lemmermann-genealogie.de/bremen.pdf
- ↑ Algae Database, Anabaena lemmermannii
- ↑ Planktonic Coccolithophores of the NW Mediterranean von M. Lluïsa Cros i Miguel
- ↑ WorldCat Identities (Publikatschonen)
- ↑ Google Books Pantostomatineae, Protomastiginae, distomatinae