Ernst August Prinz von Hannover (1983)
Ernst August Andreas Philipp Constantin Maximilian Rolf Stephan Ludwig Rudolph Prinz von Hannover Herzog zu Braunschweig und Lüneburg Königlicher Prinz von Großbritannien und Irland[2] (* 19. Juli 1983[3] in Hilmessen[4]) is de Arv för’t Baantje vun’t Huus Hannober. Sien Vadder Ernst August Prinz von Hannover is vundaag de Böverste vun’t Huus.
Kinnertiet un Jöögd
[ännern | Bornkood ännern]Prinz von Hannover is in London opwussen un tweespraakig grootmaakt worrn. He is op ene düütsche School gungen un hett Volkswertschap in New York studeert[5].
Familie
[ännern | Bornkood ännern]Prinz von Hannover is de öllste Söhn vun Ernst August Prinz von Hannover. Sien Vadder is de Baas vun’t Huus Hannober. Prinz von Hannover siene Mudder is Chantal Hochtuli, de eerste Fru vun sienen Vadder. Prinz von Hannover hett enen Broder, Christian, un ene Halfsüster, Alexandra, de ehr Mudder is Prinzessin Caroline vun Monaco Grimaldi. Prinz von Hannover is en Urururgrootkind vun König Georg V. vun Hannober, den letzten König vun Hannober, en Urgrootkind vun Hertog Ernst August III. vun Bronswiek, den letzten Hertog vun Bronswiek, en Ururgrootkind vun Kaiser Willem II., den letzten Kaiser vun’t Düütsche Riek, un en Urururururgrootkind vun König Georg III. vun Grootbritannien[6].
2017 heirat Prinz von Hannover Ekaterina Malysheva in Hannober[7].
Clinch mit sienen Vadder
[ännern | Bornkood ännern]Sien Vadder will, so schrifft dat dat Handelsblatt, veel vun’t Arv wedder trüchhebben. Dat lett, dat de Grund Undank vun Prinz von Hannover wes. De Vadder is nich op de Hochtiet mit biwesen. He is ok dorgegen wesen un verseggt sik, de Hochtiet an’t britsche Könighuus wiedertolangen. Dat kunn bedüden, dat Prinz von Hannover vun de britsche Throonlist strieken warrt. Dat süht nich dorna ut, dat he överhaupt König vun Grootbritannien warrt, denn sien Vadder is blots an Steed 450[8][9].
Wat em tohöört
[ännern | Bornkood ännern]Da in Düütschland de Adeltitels na den Tweten Weltkrieg wegfullen sünd, hett Prinz von Hannover kene düütschen Adeltitels mehr. Se sünd en Deel vun sienen Familiennaam. Prinz von Hannover hett ofschoonst noch de britsche Statentohörigkeit. In’t Vereenigt Königriek is he His Royal Highness Ernest Augustus Guelph (nds. Sien königliche Hoheit Ernst August Welf).
2010 hett Prinz von Hannover veel Besitt so as dat Slott Marienborg vun sienen Vadder kregen. Dat hett jümmer heten, sien Vadder wes to klöterig[10].
Verhökern
[ännern | Bornkood ännern]En Johr later kiekt de Welt na Hannober. Prinz von Hannover verhökert mehr as 20.000 Artikels ut den welfschen Besitt. Dor kümmt veel tosamen, mehr as 40 Mio. Euro. ’N Barg vun Wetenschaplerschen un Wetenschaplers is bang, dat dat Kulturgoot verloren gahn kunn. Prinz von Hannover seggt aver, dat de Delen in gode Hannen kamen sünd un dat dör dat Verhökern dor eerst noch ’n Weert baven opkamen is[11].
Arbeit
[ännern | Bornkood ännern]Prinz von Hannover hett för de Islamic Investment Bank arbeidt un ’n poor Energieprojekten överwacht. Vundaag kümmert he sik vör allens üm sien Arv un bestellt de Ackers[12].
Nawiesen
[ännern | Bornkood ännern]- ↑ Benne, S. (2017): Welfenhochtiet: Ernst August un Ekaterina seggt Ja. in: Hannoversche Allgemeine. Hannober. (dt.)
- ↑ Benne, S. (2014): In de Prinzenrull. in: Hannoversche Allgemeine. Hannober. (dt.)
- ↑ Bunte (a. J.): Starprofil Ernst August jr. von Hannover. München. (dt.)
- ↑ Benne, S. (2014): In de Prinzenrull. in: Hannoversche Allgemeine. Hannober. (dt.)
- ↑ Benne, S. (2014): In de Prinzenrull. in: Hannoversche Allgemeine. Hannober. (dt.)
- ↑ Prinz von Hannover, H. (2013): Ernst August (geb. 1983) Prinz von Hannover. in: welfen.de. Chöttingen. (dt.)
- ↑ Benne, S. (2017): Welfenhochtiet: Ernst August un Ekaterina seggt Ja. in: Hannoversche Allgemeine. Hannober. (dt.)
- ↑ Focus (2017): Vadder vun’n Arvprinzen will nich to den sienen Hochtiet kamen. München. (dt.)
- ↑ Bartenbach, C. (2017): Ernst August vs. Ernst August — wenn de Vadder mit den Söhn üm de Macht fechten deit. in: Stern. Hamborg. (dt.)
- ↑ Benne, S. (2014): In de Prinzenrull. in: Hannoversche Allgemeine. Hannober. (dt.)
- ↑ Benne, S. (2014): In de Prinzenrull. in: Hannoversche Allgemeine. Hannober. (dt.)
- ↑ Benne, S. (2014): In de Prinzenrull. in: Hannoversche Allgemeine. Hannober. (dt.)