Erich von Flügge

Vun Wikipedia
Zur Navigation springen Zur Suche springen

Maximilian Gustav Erich von Flügge (* 16. September 1858 in Speck, Pommern; † 26. Oktober 1936 ok dor) weer en düütschen Verwaltungsbeamten.

Von Flügge is 1858 as Söhn von Wilhelm von Flügge (1825-1898) op dat Familiengood in Speck boren. Von Flügge hett Juristeree studeert un weer Riddmeester bi dat Landwehr-Peervolk.

Vör 1890 weer he in Düsseldörp.

He is 1890 as Nafolger von Ernst Schulze Landraad von’n Kreis Winsen worrn. Dat is he bet 1900 bleven. Sien Nafolger weer Friedrich Ecker.

He weer ok Vörstandsmaat von de pommersche Buereekamer. Von Flügge weer dree Maal bi Wahlen to dat prüüßsche Aforntenhuus för de Düütschkunservative Partei Kannedaat in’n Wahlkreis Lümborg 6 (Lümborg, Winsen). Bi de Wahl 1893 hett he 40,7 % von de Stimmen kregen, bi de Wahl 1898 31,3 % un bi de Wahl 1913 41,1 %. Dormit kunn he sik bi keeneen von de Wahlen dörsetten. 1893 un 1898 hett Otto Friedrich Hagelberg den Wahlkreis wunnen un 1913 Friedrich Ecker.

He hett an’n 28. September 1886 in Heringsdörp Nelly Schlutow (1863-1953) freet. De öllste Söhn weer Albert Eduard Wilhelm von Flügge (* 8. August 1887).