Erhard Keller

Vun Wikipedia
Zur Navigation springen Zur Suche springen

Erhard Keller (* 24. Dezember 1944 in München) weer bit 1980 aktiv Iesflinklöper un tweefak Olympiasieger.

In dat Johr 1967 hett he den Weltrekord vun de sowjetsch Löper Jewgeni Grischin över 500 Meter mit en Tiet vun 39,5 Sekunn instellt. En Johr later kunn Keller dissen Rekord in Inzell up 39,2 Sekunden verbetern.

In dat sülvige Johr wurr he över 500 Meter in 40,3 Sekunn Olympiasieger bi de Olympisch Winterspelen 1968 vun Grenoble. 1971 wunn he in Inzell de Sprint-Weltmesterschap, de ut jeweils twee 500-m- un 1000-m-Rennen bestunn. Bi de Olympisch Winterspelen in Sapporo 1972 kunn he nochmol mit en nee olympisch Rekordtiet (39,44 s) över sien Spezialstreck vun 500 m Gold winnen. Dornah hett he den 500-m-Weltrekord, de de finnisch Löper Leo Linkovesi mit en Tiet vun 38,00 Sekunden erobert harr, instellt. Dorto stell he ok noch nee Weltrekorde över 1000 Meter un in de Sprintwertung up.

1973 wurr Erhard Keller Profi un Weltcupsieger in de ISSL Profiliga. As Profi kunn he aber an de Spelen vun Innsbruck nich mehr deelnehmen.

De Teendokter mit Doktertitel weer in de 1970er Johren ok in eenig Feernsehsendungen, so as in Spiel ohne Grenzen as Moderator to sehn. In’t Aktuelle Sportstudio un in de Jöögdsendung Technik für Kinder weer he ok Moderator. In de Johren 1976, 1984, 1988, 1992 un 1994 weer he Co-Kommentator för de ARD un ZDF bi de Iesflinkloopwettstrieden vun de Olympisch Winterspelen.

Ehrungen[ännern | Bornkood ännern]

2011 wurr he in de Hall of Fame vun den Düütschen Sport upnommen.