Erald Dervishi

Erald Dervishi, Upnahm ut 2004

Erald Dervishi (* 10. November 1979 in Durrës) is en albaansch Schachgrootmeester.

Dervishi wurr 1993 in Szombathely U14 Jöögd-Europameester. Bi de Jöögdeuropameesterschap U18 in Rimavska Sobota 1996 deel he sück den darten Platz un bi de U18-Jöögdweltmeesterschap 1997 in Jerewan keem he up Platz 5. As 18johrig kreeg he den Titel Grootmeester vun de FIDE verleeht. Dervishi is de eerste Titeldräger vun sien Land. 1996 un 1997 wunn he de natschonale Meesterschap vun Albanien.

To sien bedüüdenst Erfolge tellen Turniersiege in Padua 2000, Genua 2001, Durrës 2001, Padua 2005 as ok 2006 un Bratto 2006. Dervishi nehm eerstmals för Albanien an de Schacholympiaden 1994 in Moskau deel, wo he mit +5, −3, =5 wohrhaftig goot afsnieden dee. Ok an de Olympiaden 1998 bit 2006 hett he för Albanien deelnommen, wobi he sien best Resultat in Bled 2002 harr, as he +6, −0, =5 reckt hett. 1998 in Elista wunn he för sien Eenzelergevnis an dat tweet Brett (+7, −2, =3) de Bronzemedaille. Sien Gesamtergevnis för Albanien bi de Schacholympiaden is +32, −14, =28.

Weblenken

• FIDE-Koort (engelsch)
• The chess games of Erald Dervishi up chessgames.com (engelsch)