Enrico Letta

Enrico Letta (* 20. August 1966 in Pisa) is en italieensch Politiker vun de Partito Democratico. He weer van'n 28. April 2013 bt to'n 22. Februar 2014 Ministerpräsident vun Italien. Siet den 14. März 2021 is Letta Vörsitter vun de Partito Democratico.

Familie un Utbillen

Letta is de Söhn vun de Mathematiker Giorgio Letta (* 1936), Perfesser an de Universität Pisa, un sien Ehefru Anna. De Vader stamm (as sien Onkel, de Politiker Gianni Letta) ut Avezzano, Provinz L’Aquila. Nah den Afsluss vun sien Politikwetenschpstudium an de Universität Pisa kreeg Enrico Letta mit en Forschensarbeit to dat Europarecht an de Scuola Superiore Sant’Anna in Pisa sien Doktertitel

He is in tweet Ehe mit de Journalistin vun dat Daagblatt Corriere della Sera Gianna Fregonara verheiraadt. Dat Paar hett dree Kinner.

Politisch Loopbahn

Van 1991 bit 1995 weer Letta Vörsitter vun de Jöögdorganiisatschoon vun de Europääsch Volkspartei un dornah Generalsekretär vun den Euro-Utschuss in dat italeensch Huushollensministerium (1996–1997), stellvertreden Vöörsitter vun de Partito Popolare Italiano (1997–1998), italieensch Europaminister (1998–1999), Industrieminister (1999–2001) un wertschapspolitisch Spreker vun La Margherita – Democrazia è Libertà (2001–2007).

Bi de Europawahlen 2004 wurr Letta up de Midden-links-List L’Ulivo in dat Europääsch Parlament wählt.

Nah den Sieg vun dat Midden-links-Bündniss L’Unione bi de italieensch Parlamentswahlen 2006 truck he as Liddmaat vun sien Partei (La Margherita) in de Afordnetenkamer in un wurr in Romano Prodi sien tweet Kabinett to'n Staatssekretär bi den Ministerpräsidenten nömmt. He hett in disse Funktschoon sien Unkel Gianni Letta aflööst, de to dat gegnerisch Midden-rechts-Lager um Silvio Berlusconi anhörrn deiht.

An' 23. Mai 2007 hörr Enrico Letta to de 45 Ünnerschrievers vun dat Grünnenskomitees vun de ut Links- un Christdemokraten fusioneert Partito Democratico (PD). Parteivörsitter is he aber denn nich wurrn.

Böker

Costruire una cattedrale. Perché l’Italia deve tornare a pensare in grande, Mondadori, Mailand 2009, ISBN 978-8-80459050-7
In questo momento sta nascendo un bambino. Mailand: Rizzoli, Mailand 2007, ISBN 978-8-81701988-0
L’Europa a venticinque, Il Mulino, Bologna 2006, ISBN 978-8-81511015-2
La comunità competitiva. L’Italia, le libertà economiche e il modello sociale europeo, Donzelli, Rom 2001, ISBN 978-8-87989625-2
Passaggio a nord-est. L’unione europea tra geometrie variabili, cerchi concentrici e velocità differenziate, Il Muliono, Bologna 1994, ISBN 978-8-81504834-9

Weblenken

Enrico Letta. Mehr Biller, Videos oder Audiodateien to’t Thema gifft dat bi Wikimedia Commons.

Persönlich Websteed (italieensch)
Porträt up de Siet vun dat italieensch Parlament (italieensch)
Indrag över Enrico Letta in de Afordneten-Datenbank vun dat Europääsch Parlament