Emanuel Buchmann

Vun Wikipedia
Emanuel Buchmann 2015

Emanuel Buchmann (* 18. November 1992 in Ravensburg) is en düütsch Radrennfohrer. 2015 wurr he düütsch Meester. Bi de Tour de France 2019 keem he up den 4. Rang in de Gesamtwertung.

Sportlich Loopbahn[ännern | Bornkood ännern]

2010 keem Emanuel Buchmann up den darten Platz bi de Flannern-Rundfohrt vun de Junioren. 2014 wurr he düütsch Bargmeester in de U23-Klass un wunn ok de Gesamtwertung vun de Rad-Bundsliga. Bi de Rundfohrt Okolo Jižních Čech kunn he een Deelstreck up sien Naam schrieven un keem up Platz dree in de Gesamtwertung. Todem wurr he 2014 Söbent bi de Tour de l’Avenir un jewiels Achter bi de Mzansi Tour un de Tour d’Azerbaïdjan.

2015 hett Buchmann bi dat Professional Continental Team Bora-Argon 18 anhüert, dat af de Saison 2017 en Lizenz as UCI WorldTeam kreeg. He wunn tosommen mit sien Mannschapskollegen dat Mannschapstietfohren to’n Uptakt vun den Giro del Trentino. Bi de World-Tour-Rundfohrt Critérium du Dauphiné reck he up de Königsdeelstreck dat Teel gemeensam mit den Tour-de-France-Vörjohressieger Vincenzo Nibali, de as Gesamtführender in de Deelstreck start weer.[1] Bi de düütsch Straatenmeesterschapen in dat Johr wunn he den Titel vör Nikias Arndt.[2] In dat sülvig Johr wurr Buchmann eerstmals vun sien Team för de Tour de France 2015 upstellt. Up de dart Deelstreck, wo dat ok över den Col du Tourmalet gung, keem he dorbi up den darten Platz.[3]

2016 reck Buchmann tonächst den achten Platz in de Gesamtwertung vun den Giro del Trentino, bi de Dauphiné-Rundfohrt wurr he bi sien tweet Deelnahm 20. vun Gesamtwertung. Bi de Tour de France keem he up den 21. Platz ingesamt.[4]. In dat sülvig Johr keem he bi de Olympisch Sömmerspelen up den 14. Platz.

2017 keem he bi de Tour de Romandie up den 10. Platz in de Gesamtwertung un harr up de Königsdeelstreck vun de Rundfohrt den 3. Platz haalt.[5] Bi de ansluutend Tour of the Alps keem he up Platz 7, as ok bi dat Critérium du Dauphiné wo he ok noch de Nahwusswertung wunn.[6] Nahdem Peter Sagan utslooten un Rafał Majka nah en Stört upgeeven muss, wurr Buchmann bi de Tour de France in dit Johr Kapitän vun sien Team Bora-hansgrohe un keem in de Gesamtwertung up Platz 15.[7]

2018 keem Buchmann bi fief UCI WorldTour-Rundfohrten ünner de best Teihn. An de Tour de France hett he nich deelnommen, weer aber bi de Vuelta a España dorbi[8] un keem dor up Platz 12 in de Gesamtwertung.

Buchmann wunn as Solist to Anfang vun de Saison 2019 mit de Trofeo Andratx-Lloseta sien eerst internatschonales Eendagsrennen, nahdem he 20 Kilometer vör dat Teel angreepen harr.[9] Een Dag later wurr he bi de Trofeo de Tramuntana Tweet. De ansluutend UAE Tour, en Deelstreckenrennen vun de WorldTour, hett he as Veert in de Gesamtwertung afslooten. Bi de Baskenlandrundfohrt kunn he de bargig 5. Deelstreck up sien Naam schrieven un harr dormit sien eerst Rennen vun de World Tour wunnen. Dodör övernehm he ok de Gesamtführung vun sien Teamkolleeg Maximilian Schachmann,[10] full aber an den letzten Dag nah en Angreep vun en Grupp um den bit dorhen Gesamttweeten Jon Izaguirre Insausti ca. 60 Kilometer vör dat Teel aber noch up den darten Rang torüch. [11] Bi dat Critérium du Dauphiné keem he denn nochmal up den darten Gesamtrang.

Bi de Tour de France vun dat Johr wurr Buchmann bi de Bargankünften an‘n Col du Tourmalet as ok in Foix jewiels Veert un hett ok de Rundfohrt up den 4. Platz afslooten. Dat weer dat beste Ergevnis vun en düütschen Fohrer bi de Tour siet 2006, as sück Andreas Klöden Rang twee recken dee.[12]

De Saison 2020 fung Buchmann mit en Sieg bi de Trofeo Serra de Tramuntana as Solist ut en lütt Spitzengrupp herut an.[13] To de Vörbereitung up de Tour de France hett he dat Critérium du Dauphiné mitmaakt, muss aber de Rundfohrt up Platz dree vun de Gesamtwertung nah en swooren Stört upgeeven.[14] Sien Teel, bi de Tour de France tominst up dat Podium to kommen, harr sück dormit denn ok erledigt.[15]

To de Saison 2021 wull he an de Tour de France nich deelnehmen, wiel dat dor to wenig Bargdeelstrecken geev. He is dorum bi den Giro d’Italia antreeden. Dor leeg he ok up Platz 6 in de Gesamtwertung, bit he up de 15. Deelstreck to Fall keem un dat Rennen upgeven muss.

Wat he schafft hett[ännern | Bornkood ännern]

2014
2015
2017
2019
2020
2023
  • Düütschland Düütsch Meester Straatenrennen

Weblinks[ännern | Bornkood ännern]

Emanuel Buchmann. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. ↑ Bora-Argon 18 betrieb auf der Königsetappe Wiedergutmachung. radsport-News.com, 13. Juni 2015, afropen an’n 25. Juli 2016.
  2. ↑ Christoph Adamietz: Buchmann setzt auf das I-Tüpfelchen noch einen drauf. In: radsport-News.com. Afropen an’n 25. Juli 2016.
  3. ↑ Buchmann Dritter auf Tourmalet-Etappe - Majka siegt. rad-net.de, 15. Juli 2015, afropen an’n 15. Juli 2015.
  4. ↑ Bora-Argon 18 - Gelingt im dritten Jahr der erste Sieg? radsport-news.com, 30. Juni 2016, afropen an’n 25. Juli 2016.
  5. ↑ Porte über Romandie-Gesamtsieg "etwas geschockt". radsport-news.com, 30. April 2017, afropen an’n 1. Mai 2017.
  6. ↑ Buchmann ist bei den Allerbesten angekommen. radsport-news.com, 11. Juni 2017, afropen an’n 12. Juni 2017.
  7. ↑ Jörg Leopold: Topsprinter, Allrounder und Wasserträger: Die Deutschen bei der Tour de France. In: tagesspiegel.de. 21. Juli 2017, afropen an’n 5. August 2017.
  8. ↑ Emanuel Buchmann: Keine Tour de France, aber Vollgas bei der Vuelta. In: cyclingmagazine.de. 4. August 2018, afropen an’n 10. August 2018.
  9. ↑ Buchmann probierts einfach mal und siegt. In: radsport-news.com. 1. Februar 2019, afropen an’n 1. Februar 2019.
  10. ↑ Buchmann stürmt mit 20-Kilometer-Solo in eine neue Liga. In: radsport-news.com. 12. April 2019, afropen an’n 13. April 2019.
  11. ↑ Abgehängt und fehlgeleitet: Buchmann muss Gelb noch abgeben. In: radsport-news.com. 13. April 2019, afropen an’n 13. April 2019.
  12. ↑ Tour de France: Emanuel Buchmann glänzt als Gesamtvierter. In: tagesspiegel.de. 28. Juli 2019, afropen an’n 6. Oktober 2019.
  13. ↑ Buchmann krönt eine perfekte Vorstellung von Bora - hansgrohe. In: radsport-news.com. 31. Januar 2020, afropen an’n 2. Februar 2020.
  14. ↑ Buchmann muss nach Sturz das Critérium du Dauphiné aufgeben. In: radsport-news.com. 15. August 2020, afropen an’n 31. Dezember 2020.
  15. ↑ Tour de France 2020: Bora ändert seine Strategie. In: sueddeutsche.de. 8. September 2020, afropen an’n 31. Dezember 2020.
Vun „https://nds.wikipedia.org/w/index.php?title=Emanuel_Buchmann&oldid=999619“