Elm (Bargen)

Elm
De Elm un de Ass De Elm un de Ass
höögst Topp:	Eilumer Horn
Hööchd:	3.233 m över de See
Kuntinent:	Amerika
Öller:	Trias, Quartiär
Rebeed:	DEU km²
Koordinaten:	52° 12′ N, 10° 45′ O

Typsche Bäukenwold in de Elm

De Elm is ’n 25 km langer, 3 bet 8 km breder, maximal 323,3 m hocher un bewooldt Middelbaarg süüdostelich van Brunswiek in de Landkreisen van Helmstidde un Wulfenbüttel in Neddersassen.

Dat sedelungfrie’e Wooldrebeet met de grotste Bäukenwold in Noorddüütschland un de Reitlingdaal is Deil van de Naturpark Elm-Lappwoold. De Elm is ut fossilenrieken Musselkalk opbut, dat as Elmkalksteen sied de Middelolder bekennt is.

Geographie

Geographisch Laag

De Elm liggt as ’n süüdeliche Deil van de Noorddüütsche Diepland twüschen de Städe Königslutter in de Noord, Schöningen in de Süüdost un Schöppenstidde in Süüd.

Nahbert liggen de düüdelich siekeren Anhöchte Asse, Dorm un de Lappwold. Alle disse Anhöchten, buten de Asse, hören tau de Naturpark Elm-Lappwold.

Bargen un Höggel

De högste Barg is met 323,3 m de Eilumer Hörn, ostsüüdostelich van Erkerode liggend. Disse un annere Bargen sien in de Elm:

• Eilumer Hörn 323.3 m
• Osterbarg 314 m
• Drakenbarg 313 m
• Borgbarg 311 m
• Amplebener Barg 310 m
• Lüttjer Tafelbarg 302 m
• Kewelhörn 301 m
• Groter Tafelbarg 296 m
• Warbarg 290 m
• Wulfsborger Kopp 289 m

Elm van de Nordwestsiede, in de Midde baven an de Barghang Erkerode, rechts Lucklum

Ströömen un Beeken

Op de Elm sien kum Springen van Ströömen oder Beeken tau sien. Dat Regenwater sickert foorns in de fiene Kluftsystem van de Elmkalksteen. Dat sickerte Water kümmt achteran in de Randrebeedenen van de Anhöcht wedder nach bawen. In oder an de Elm entspringen Ströömen sien:

• Altenau
• Lutter
• Schierpkebeek
• Schunter
• Wabe

Landschapp

Blick op de Süüdwestsiede van de Elms van Groot Vahlberg

De Wold van de Elm hefft ’n Flääch van över 8000 ha. Tauständig is dat neddersässische Forstamt in Wulfenbüttel. As Woldstandort hefft de Elm op de Skala van 1 bet 6 ’n 5, ’n bannig gode Noot.

Utspannrebeden

De Elm ward van Touristen as ’n Utspann- un Wannerrebeet bruukt. Vor all Gäste ut Berlin sien faken op Weekende, bet tau de Weddervereenigen 1989, in dit Rebeed kommen. In Langeleben gifft dat veele Utspannhüser för jonge Lüe. Sied de End van de leste Jahrhunnert sien veele Weertshüüs enstanden:

• Reitlingsgaststeed in de Reitlingsdaal
• Waldgaststeed an de Tetzelsteen
• Elmhuus Schöningen
• Waldfreeden Esbeck
• Lutterspring an de Lutterspring bi Königslutter
• Watzumer Huus Eitzum
• Tau Schunterspring an de Elmrand Räbke

Weblenken

• Portal för Dörper un Städe in de Elm (hoochdüütsch)
• Elmtouren (hoochdüütsch)
• Verkehrsverein Nord-Elm (hoochdüütsch)
• Elmsagen (hoochdüütsch)
• Kalkbäukenwolder in de Elm (hoochdüütsch)
• Tourismusgemeenschapp Elm-Lappwald e.V. (hoochdüütsch)
• Rundfahrt dör de Elm (hoochdüütsch)