Ellis Kaut
Elisabeth „Ellis“ Kaut (* 17. November 1920 in Stuttgart; † 24. September 2015 bi Fürstenfeldbruck)[1] war en düütsch Kinnerbookschrieverin, de dör dat Utfinnen vun Pumuckl internatschonal bannig Spood harr. Se hett buterdem noch Novellen för Utwussen un eenig Bildbannen verfaat.
Leven
[ännern | Bornkood ännern]Kaut keem dör dat Ümtrecken vun hör Öllern in hör tweet Levensjohr in de bayerische Landshööftstadt München. Mit 18 Johr wurr se to dat offiziell Münchner Kindl vun dat Johr 1938 küürt. Mit 19 Johren hett se an' 21. November 1939 den Schriever Kurt Preis heiraadt[2] un bleev in München; de gemeensam Dochter Ursula wurr 1945 boren. Nah en Schauspeelutbillen studeer Ellis Kaut Bildhaueree. Siet 1948 is se free Schrieverin un övernehm in de 1950er un 1960er Jahren Spreekrullen bi Hörspelen. Bi den Bayerischen Rundfunk hett se Kinnersennen betrüet. Dorneben hett se sück aber ok mit Maleree un Fotografie befaat. In' Gegensatz to disse Tätigkeiten is aber dat Schrieven för hör immer hart Arbeit ween, hett se 2010 in en Interview seggt.[3]. To hör literarisch Warken harr se immer en groot Afstand harrt.
Mit hör Stiften to dat Fördern vun dat Lesen un de Jöögdliteratur regt se dorto an, sück mit Böker vun hör Genre to befaaten.
Ellis Kaut is Wittfru un leevt in den Münchner Stadtdeel Pasing.
Pumuckl, de Kobold
[ännern | Bornkood ännern]Kaut is de Schrieverin vun Geschichten över den Kobold Pumuckl[4], de bi den Dischler Eder in de sien Warkstäe rumspööken deiht. Tonächst 1962 al Hörspeel vun den Bayerischen Rundfunk sennd, funnen de Pumuckl-Geschichten bi Kinner ok as Bokk, Schallplatte/Kassette, CD oder DVD un as Feernsehreeg goot Tospröök. Intüschen sünd rund 100 Geschichten entstahn, in de Pumuckl för Upreegen un Verwicklungen tostännig is. De 52-deelig Feernsehserie, as ok de Hörspeelreeg mit Alfred Pongratz un later Gustl Bayrhammer as Meister Eder un Hans Clarin, de Pumuckl sien Stimm lehnt hett un 2002 sülvst den Arven un Cousin vun den Meister Eder speel, hett för en bundswiet Bekanntheit vun de Figur sörgt.
In dat oberbayerischen Ohlstadt gifft dat mittlerwiel en Pumuckl-Museum.
Anner Warken
[ännern | Bornkood ännern]Neben den Pumuckl sünd ok de Geschichten vom Kater Musch as ok Fehlerdüvelgeschichten en breet Publikum bekannt. Todem stammt vun hör dat Kinnerbook Schlupp vom grünen Stern, dat 1974 in' Südwest-Verlag rutkeem un 1986 vun dat Marionettentheater Augsburger Puppenkiste verfilmt wurr.
Ehrungen un Utteknungen
[ännern | Bornkood ännern]- 1955: Bayerischer Hörspeelpries
- 1980: Verdeenstkrüüz 1. Klass
- 1980: Medaille „München leuchtet“
- 1984: Ernst-Hoferichter-Pries
- 1985: Bayerischer Verdeenstorden
- 1992: Poetendaler
- 1999: Oberbayerischer Kulturpries
- 2001: Pro meritis scientiae et litterarum
- 2002: Bayerische Verfassungsmedaille in Sülver
Weblenken
[ännern | Bornkood ännern]- DNB-Katalog
- Websteed vun Ellis Kaut
- Körtbiografie
- Petra Hallmayer: „Das Kleben am Glück“, Frankfurter Rundschau, 16. November 2010
- Personennaamdatei
Enkeld Nahwiesen
[ännern | Bornkood ännern]- ↑ Ellis Kaut ist tot. In: sueddeutsche.de. Süddeutsche Zeitung, 24. September 2015, afropen an’n 24. September 2015.
- ↑ Biografie von Gabriele Meinhard
- ↑ "Ja, mei!" - Ellis Kaut im Interview mit MAGDA, dem Magazin der Autoren
- ↑ FAZ van 17. November 2010, Seite 31: Der Klabautermann aus dem Lehel, afroopen an' 1. Januar 2011