Elisabeth Büchsel

Vun Wikipedia
Zur Navigation springen Zur Suche springen

Elisabeth Charlotte Helene Emilie Büchsel (* 29. Januar 1867 in Stralsund; † 3. Juli 1957 in Stralsund) weer een düütsche Malerin.

Elisabeth Büchsel wurr as tweede van söss Kinner van de Ollermann van de Stralsunder Kleerschnieders (Gewandschnieders) Ernst Felix Büchsel un sien Fru Marie Büchsel boren. Ehr Öllern harrn relativ genoog Geld, so dat se ok een Utbildung kregen hett. As se noch Kind weer, fung se all an, sück för ehr Ümgegend to intresseeren.

Ehr könstlerisch Talent hett man opdeckt un fördert. So hett se in Spandau bi Professer Flikker Ünnerricht kregen un ehr Studien hebbt hör bit nah Paris un München führt.

Af 1904 leev un arbeid se jewiels van Fröhjohr bit Harvst up de Eiland Hiddensee. Hör Domizil in Stralsund weer dat Sloot an’n Sund an de Strelasund-Ufer.

Büchsel hett meestens Tiet Landschopbiller van Rügen un Stralsund malt aber ok van de Ümgegend van Stralsund. Een Deel van hör Warken is in’t Kulturhistorisch Museum van Stralsund utstellt, de meeste Biller befinnen sück aber in Privathand un sünd wiet street.

Een van hör bekannst Porträts is dat van den eersten Stralsunder Böverbürgermeester Carl Heydemann, wat se 1933 malt hett.

An’n 3. Juli 1957 is Elisabeth Büchsel in Stralsund storben un is up de St.-Jürgen Karkhoff begraben wurrn.