Elektrisch Leddweert

Vun Wikipedia
Wesseln na: Navigatschoon, Söök

De elektrische Leddweert (ok as Wirkleddweert oder Konduktanz betekent) is de Kehrweert vun’n elektrischen Wedderstand, de nich to verwesseln is mit de elektrischen Leddanlaag, wat en Materialkonstant is. Dat Formelteken vun’n Leddweert is G, de tohöörig Maateenheit is dat Siemens mit dat Eenheitenteken S.

Wenn en Verbruker den Stroom good leiden deit, denn hett he en hogen Leddweert un en lütten Wedderstand.

Vör dat Siemens geev dat en öllere Beteken för den Leddweert, neemlich Mho (Ohm vun achtern leest; Eenheitenteken ). De warrt faken op dat Rebeet vun de ELektronik in’n angoamerikaanschen Spraakruum bruukt, wieldat de dormoligen Alieerten vun wegen de Bedeligen vun’t Siemens-Ünnernehmen an’n Krieg de Eenheit Siemens nich annehmen wulln.

De Leddweert is en Weert, de gau ut en Stroom un de Spannung oder ut en elektrischen Wedderstand utrekent warrn kann. De Leddanlaag betütt sik op den Leddweert vun en Material mit sünnere Afmeten, to’n Bispeel de Läng oder den Dweersnitt.

Henwies[ännern | Bornkood ännern]

De Kehrweert vun’n spezifischen Wedderstand is de elektrische Leddanlaag, de faken mit den Leddweert verwesselt warrt. De Leddanlaag is de Egenschap un en sünnert Material, de Leddweert dorgegen de Egenschap vun en elektronisch Boelement mit en sünnere Form un Afmeten, dat ut en sünnert Material boot is. De Ünnerscheed is de lieke as de twüschen den Wedderstand vun en Bodeel un den spezifischen Wedderstand vun sien Material.

Kiek ok[ännern | Bornkood ännern]

Websteed[ännern | Bornkood ännern]