Elbe-Weser-aktuell
Elbe-Weser-aktuell (EWA) is en regional Wekenbladd ut Cuxhoben, dat köstenloos verdeelt warrt. Dat Bladd is an’n 12. Januar 1995 toeerst rutkamen. Bet 1999 weer Eberhart von Borstel Rutgever. Siet 1999 höört de Verlag Elbe-Weser aktuell to de Rieck Medien Gruppe. Rutgever is sietdem Dirk Schulte Strathaus ut Demost. Druckt warrt dat Bladd in dat Druckhaus Rieck in Demost. Geschäftsföhrer in Cuxhoben is siet 1. Juli 2014 Manfred Schulz.
Rebeed[ännern | Bornkood ännern]
Dat Wekenbladd warrt in dree Tostellrebeden verdeelt.
- Tostellrebeed A: Cuxhoben un Noordholt.
- Tostellrebeed B: fröhere Samtgemeen Land Wusten un de Stadt Geestland.
- Tostellrebeed C: de Samtgemenen Land Hadeln un Hemmoor (ahn de Gemeen Heckthusen).
Dormit warrt dat Bladd opstunns an üm un bi 66.000 Huushollen verdeelt.[1] Dat Bladd hett ok en Smartphone-App.
Format un Layout[ännern | Bornkood ännern]
De Elbe-Weser-aktuell bruukt von Anfang an dat Berliner Format (285 mm x 435 mm).
Weblenken[ännern | Bornkood ännern]
- Websteed von Elbe-Weser-aktuell (hoochdüütsch)