Eenheit vun dat Rebeet

En Eenheit vun dat Rebeet öövt dat Regeern ut in en afgrenzten Deel vun den ganzen Staat. Se hett dor dat Seggen un warrt na dat Recht as en Eenheit vun dat apentliche Recht ankeken. Se hett dat Seggen över de Inwahners. De Inwahners (Börgerslüde) höört na dat Gesett as Liddmaten to de Eenheit to.

Wat de Eenheiten vun dat Rebeet to regeln hefft un wat nich, is in dat Staatsrecht klaar stellt (kiek bi Verfaten). Ünner den Rang vun de Bundslänner gaht se bi un övernehmt de Verwalten vör Oort. Dor nehmt se ok de Organisatschoon süms bi in’e Hand. Dat se mit jem ehr Upgaven kloor kaamt, hefft se egen Organen, as Börgermeesters un Gemeenderööt. Een Eenheit vun dat Rebeet hett jummers en Volksvertreden, de direkt wählt wurrn is. Dat is en Unnerscheed to annere kommunale Eenheiten, as dat Amt.

Ünnerdelen vun en Staat könnt to glieke Tiet na verscheden Eenheiten vun dat Rebeet in ünnerschedlichen Rang tohören. So is dat bi de Rebeetseenheiten Gemeen un Landkreis. De Gemeen is en Eenheit vun dat Rebeet un organiseert sik in ehr Grenzen süms, man se höört tomeist ok noch na en Landkreis hento. De is ok up de ene Siet sülvstännig as Eenheit vun dat Rebeet un höört nu wedder na en gröttere Eenheit to, as dat Bundsland un den Bund alltohopen.

Eenheiten vun dat Rebeet in de Bundrepubliek Düütschland

Eenheiten vun dat Rebeet sünd in de Bundsrepubliek Düütschland:

de Staat alltohopen (de Bund)
de Deelsstaten (Bundslänner),
in Bayern: de Bezirken,
in de groten Bundslänner (ahn Stadtstaten): De Landkreisen, Kreisen, de Regionalverband Saarbrücken un de Region Hannober,
de Gemenen mit de Städer dorbi
de Verbandsgemeen in Rhienland-Palz

Nich to de Eenheiten vun dat Rebeet höört

de Regeernsbezirken,
de Landschopsverbänn,
de Ämter
de Bezirken vun Hamborg, Berlin un Bremen un al Stadtbezirken, Stadtdelen un Oortsdelen

Kiek ok bi

Staatlich Unafhängigkeit, Repräsentative Demokratie, Landdag, Gemeenderaat