Edzard Dyes

Vun Wikipedia
Zur Navigation springen Zur Suche springen

Edzard Dyes (* 23. Februar 1889 in Stettin; † 20. Februar 1954 in Horborg) weer en düütschen Verwaltungsbeamten.

Dyes is 1889 as Söhn von Generalmajor Edzard Dyes in Stettin boren.[1] He weer op de Gymnasien in Stettin, Kolbarg un Celle un hett an de Universitäten Leipzig, Freiburg, München un Göttingen Juristeree studeert.[1] 1915 is he Assesser worrn un an’n 20. Juni 1919 juristischen Hülpsarbeider.[1] An’n 11. Februar 1921 is he in Horborg besoldeten Senater worrn un an’n 5. Februar 1926 Stadtsyndikus.[1]

Later weer he Senaatssyndikus von de Hambörger Finanzbehörde.[1]

Na de Machtergreifung von de Natschonalsozialisten is de Böverbörgermeester von Horborg-Willemsborg, Walter Dudek, an’n 11. März 1933 afsett worrn. Dyes is denn kommissarsch sien Nafolger worrn för de Övergangstied. In’n Juni 1933 is Dyes von Ludwig Bartels aflööst worrn.

Na’n Tweten Weltkrieg is Dyes 1945 för de eerste Tied von de Briten wedder as Börgermeester von Horborg insett worrn. An’t Enn von dat Johr 1945 hett denn Walter Dudek von em dat Amt as Börgermeester övernahmen.

Dyes weer 1921 bet 1924 eersten Vörsitter von’n Horbörger Turnerbund von 1865.

Edzard Dyes hett an’n 27. Mai 1922 in Hamborg Gertrud Reifkogel (30. August 1896–15. Oktober 1968) freet.

Footnoten[ännern | Bornkood ännern]

  1. a b c d e Zeitschrift des Vereins für Hamburgische Geschichte. 1953, Band 42, Sied 139