Eduard von Reden-Lütcken

Vun Wikipedia
Zur Navigation springen Zur Suche springen

Eduard von Reden-Lütcken (* 14. November 1938 in Jena; † 24. Februar 2017 in Holenwisch) weer en düütschen Verwaltungsbeamten un Besitter von dat Good Holenwisch.

Von Reden-Lütcken is 1938 in Jena boren. He hett Juristeree studeert un 1971 an de Juristische Fakultät von de Universität Göttingen sien Dokter maakt. En Deel von sien Studium weer he ok an de Universität Montpellier. 1976 is he Stadtkämmerer von de Stadt Hameln worrn un weer von’n 16. November 1980 bet 15. November 1992 hauptamtlich Böverstadtdirekter in Hameln. In disse Tied weer he ok Vörsitter von’n Verwaltungsraad von de Stadtspoorkass Hameln. Na 1992 weer he Hauptgeschäftsföhrer von’n Arbeidgeververband AdU in Hameln. Na siene Pangschoon is he 2001 op Good Holenwisch tagen.

In’n August 2002 is he Präsident von de Ridderschop von dat Hertogdom Bremen worrn, wat he bet 2015 bleven is. In de Tied von 2001 bet 2013 weer he ok Vörsitter von’n Verwaltungsraad von dat Ridderschopliche Kreditinstitut Stood.

Von Reden-Lütcken weer verheiraadt un harr dree Kinner.

Warken[ännern | Bornkood ännern]

  • Die Besteuerung der ausserordentlichen Einkünfte aus Forstwirtschaft. Göttingen 1971, Dokterarbeid

Weblenken[ännern | Bornkood ännern]