Eduard Sthamer (1803–1872)
Eduard Sthamer (* 26. April 1803; † 1872) weer en hambörgschen Senater.
Sthamer is 1803 as een von 13 Kinner von Johanna Maria Sophia, borene Schölermann (25. Januar 1777-7. Mai 1825), un Jürgen Nicolaus Sthamer (12. Oktober 1767-11. September 1850) boren.[1] He hett Juristeree studeert, is an’n 3. November 1826 Avkaat un an’n 17. März 1834 Senater worrn. He weer von 1846 bet 1852 Amtmann von dat Amt Ritzbüttel. 1865 is he as Senater in Rohstand gahn.[2]
He hett Charlotte Sophie Legriel freet. de beiden harrn veer Kinner: Melanie Amélie (* 2. Juni 1834), Eduard Carl Gustav, Friederike Georgine Francisca un Caroline Sophie Mathilde.[3]
Footnoten
[ännern | Bornkood ännern]- ↑ Friedrich Georg Buek: Die hamburgischen Oberalten, ihre bürgerliche Wirksamkeit und ihre Familien. 1857, Sied 350
- ↑ Hamburgischer Staats-Kalender: auf das Jahr 1865. Nestler & Melle, 1865, Sied 22
- ↑ Friedrich Georg Buek: Die hamburgischen Oberalten, ihre bürgerliche Wirksamkeit und ihre Familien. 1857, Sied 497