Eduard Edert

Eduard Edert (* 31. August 1880 in Olschlo; † 27. August 1967 in Heikendörp) weer en düütschen Politiker un plattdüütschen Schriever.

Edert weer Schoolmeester un harr ok en Dokter maakt. So 1910 weer he Schoolmeester in Kiel un hett sik dor ok för den Wandervogel insett. Na 1921 weer he Oberschulraat in Flensborg. 1949 hett he as unafhängigen Kandidaten bi de Bundsdagswahl 1949 mitmaakt. De CDU, FDP un DP harrn in sien Wahlkreis keen Kandidat opstellt un hebbt em lever ünnerstütt. Se menen, dat weer de eenzige Mööglichkeit, to verhinnern, dat de SSW de Wahl in Wahlkreis üm Flensborg winnt. So hett he 48,0 % vun de Stimmen kregen (SSW 31,4 %) un dat schafft in’n Bundsdag rintokamen. As unafhängige Kandidaten hebbt dat ans blot noch twee schafft, all beid 1949, un sietdem keeneen mehr. He weer bet 1953 in’n Bundsdag un weer Frakschoonsgast vun de CDU/CSU. He is in disse Tiet ok de Baas vun’n Sleswig-Holsteenschen Heimatbund wesen.

Sien Book Dat harr noch leeger warrn kunnt schall sik över 100.000 Maal verköfft hebben un is bet 1992 in 19 Oplagen rutkamen.

Warken

• Der Schuster von Tondern. Hansen, Glückstadt 1910 (5 Oplagen)
• Das nationale Selbstbestimmungsrecht in Südschleswig. (mit Hans Hedtoft), Kopenhagen 1952
• Dat harr noch leeger warrn kunnt. Schleswig-holsteinischer Humor. Wachholtz-Verlag, Niemünster 1961 (19 Oplagen)
• Lose Blätter. Westholstein. Verl.-Anst. Boyens, 1964

Weblenken

• Eduard Edert in de PBuB (hoochdüütsch)