Eckfahn
De Eckfahnen sünd Deelen vun dat Footballfeld, de Speelfeld in dat Footballspeel. Se markeert de Ecken vun dat Speelfeld. Mit Hülp van disse Eckfahnen, kann de Scheedsrichter oder Lienrichter beter entscheeden, of en Ball in de Neegd vun de Fahnen över de Siedenlinie oder över de Doorlinie rutrullt is. Dorvan hangt af, wu dat Speel wieder geiht.
De Eckfahnen hörrt to dat Speelfeld. Wenn dor also een Ball tegen prallt un von dor weer up dat Speelfeld torüch, denn löppt dat Speel wieder. De Footballregeln verbeeden, dat de Eckfahn rutnommen wurrd, um en Eckstoot uttoföhren.
Üm dat man sück nicht besehren kann, moot de Eckfahnen mindst 1,50 Meter hoch ween und dröfft boben nich spitz wesen. Hüdtodag sünd se meest ut Kunststoff un hebbt en Knickgelenk, dormit se sück glieks weer uprichten doht, wenn se ümknickt wurrn sünd. De Farv vun de Fahnen is meest rood, geel, oder rood-geel kareert.