Dwirrelwörmer

Vun Wikipedia
Wesseln na: Navigatschoon, Söök
Dwirrelwörm(er); Dreihwörm(er)
Plattwörmer, de free leevt (wohrschienlich Planaria torva) röögt sik
Systematik
Domään: Eukaryota
Ünnerriek: Veelzellers (Metazoa)
Stamm: Plattwörmer (Plathelminthes)
Klass: Dwirrelwörmer (Turbellaria)
Wetenschoplich Naam
(Turbellaria)
Ehrenberg, 1831

Bi de Dwirrelwörmer oder Dreihwörmer (Turbellaria) hannelt sik dat um en Klass mank de Plattwörmer (Plathelminthes). Dat Taxon faat bi 3.000 Aarden tohopen, de dat hüdigendags noch geven deit. Se leevt all free un kaamt meist in de See un in Söötwater vor. An Land sünd se man roor (Kiek bi Landplanarien).

In de Geschicht, wie sik de Leevwesen utspunnen hefft, staht de Dwirrelwörmer düütlich höger, as de Neteldeerter, vunwegen, datt se al echte Geweeve un Organe utbillt. Bovenhen is dat Lief kloor na beide Sieten hen symetrisch upboot. De Dwirrelwörmer sünd nich monophyleetsch, man paraphyleetsch. Dat liggt dor an, datt all Plattwörmer, de free leven doot, to de Dwirrelwörmer hento rekent weert, man gegen jem over staht all Plattworm-Aarden, de as Parasiten leevt un de tohopenfaat weert as Neodermata.

Weblenken[ännern | Bornkood ännern]

Commons-logo.svg Dwirrelwörmer. Mehr Biller, Videos oder Audiodateien to’t Thema gifft dat bi Wikimedia Commons.