Dumensprung

Vun Wikipedia
Zur Navigation springen Zur Suche springen
Dumensprung

De Dumensprung is eene Methode, üm den Afstand tüschken sik süms un en Objekt to schätzen. Dat kann di helpen, di to orienteren un de Wiete to metten.

Achtergrund[ännern | Bornkood ännern]

Du kannst düsse Schätzung up Grund van den Strahlensatz ut de Mathematik maken. De Dumen an den utgestrekten Arm, över denn du dat Objekt anpielst, is ungefähr 70 Zentimeters van´t Gesicht weg un de Ogenafstand bedräg ca. ses Zentimeters. Hierut kannst du een Verhältnis bereknen, dat sük natürlik van een to´n annnern ännern kann.

Düt Verhältnis ligg tüschken 1:7 bit 1:12, un mot för een bestet Mettergevnis van elk eenen süms utfunnen wern. Normolerwiese is 1:10 genau genoug, denn de Dumensprung is ja nur eene Fustregel. Du kannst in düssen Fall ok seggen Dumenregel.

Stroahlensatz a = Dumenafstand; b = Oogenafstand; c(+a) = Objektafstand; d = Objektbreite

Astronomie[ännern | Bornkood ännern]

In de Astronomie wet dat Bestimmen van den Afstand tüschken Sterne, de in Noaberschup liggt, ok so maakt. Up de Stee van den Oogenafstand trett hier de Verännerung van de Position of de Erde, wenn se de Sünne ümlepp.

Bi relativ nohe planetaorischke Nebel is de Bestimmung, wo wiet se weg bint, mit Helpe van de Parallaxe möglik. Du kannst de trigonometrischke Parallaxe ok to de Entfernungsbestimmung van Fixsterne gebruken.

Biespill[ännern | Bornkood ännern]

In dat Beld boven passt de Bredde van´t Hus tofällig genau tüschken Anfang Dumen "1" un Anfang Dumen "2". De Husbredde sall as 7 Meter wesen. Dann bedräg de schätzte Entfernung bis to dat Hus 70 Meter. För eene genauere Schätzung moss du immer över de glike Stee van den Dumen luren (so as immer an de linke Dumensiete vörbi or över de Dumenspitze).

Dörführung[ännern | Bornkood ännern]

  • een Arm ganz no boven utstreken, Fust maaken, Dumen upstellen
  • een Ooge schluten, mit dat annere Ooge över den Dumen dat Ziel anluren
  • nu dat opene Ooge schluten, dat annere open maken
  • de Dumen is nu to de Siete sprungen
  • nu schätzt du den Afstand tüschken Dumen "1" un Dumen "2", projiziert up dat Ziel
  • düssen Afstand nemmst du mit 10 moal un du hes de ungefähre Entfernung

Wat du kritisk sehen moss[ännern | Bornkood ännern]

Dat Verfoahren set de Kenntnis or Schätzung of de horizontalske Utdehnung van een Objekt or van een Gelände vörut. Du kannst di ok eene Ümkehrung van düt Verfoahren denken: bi een bekannten Afstand, kannst du ok de Bredde van een Objekt mit den Dumensprung bestimmen. De Inbetrek van de vertikale Utdehnung, to´n Bispill to de Bestimmung van de Höchde van een Boom, is nich möglik, weil dat "Mettinstrument", de Oogen, ja horizontal in Kopp sit.

Kiek ok bi[ännern | Bornkood ännern]

Stockpielen